IND vs ENG 3rd Test : रूटची बॅट पुन्हा तळपली; केले मालिकेतील तिसरे शतक

इंग्लंडचा कर्णधार जो रूटने भारताविरुद्धची दमदार कामगिरी तिसऱ्या कसोटी सामन्यातही सुरु ठेवली. पहिल्या दोन्ही कसोटीत शतक करणाऱ्या रूटने तिसऱ्या कसोटीच्या पहिल्या डावातही शतकी खेळी केली. हेडिंग्ले या घरच्या मैदानावर खेळणाऱ्या रूटने या डावात आक्रमक शैलीत फलंदाजी केली. ईशांत शर्मा टाकत असलेल्या इंग्लंडच्या डावातील १०४ थ्या षटकाच्या दुसऱ्या चेंडूवर चौकार मारत रूटने त्याचे कसोटी कारकिर्दीतील २३ वे शतक पूर्ण केले. त्याने हे शतक करण्यासाठी १२४ चेंडू घेतले. त्याच्या या शतकी खेळीत १२ चौकारांचा समावेश होता. अखेर १२१ धावांवर त्याला जसप्रीत बुमराहने बाद केले.

मलानसोबत १३९ धावांची भागीदारी 

भारताविरुद्ध आठवे कसोटी शतक