इंडियन प्रीमियर लीग (IPL) स्पर्धेत आज राजस्थान रॉयल्स आणि चेन्नई सुपर किंग्स या संघांमध्ये सामना होत आहे. मुंबईच्या वानखेडे स्टेडियमवर होत असलेल्या या सामन्यात राजस्थानचा कर्णधार संजू सॅमसनने नाणेफेक जिंकून प्रथम गोलंदाजीचा निर्णय घेतला. दोन्ही संघांनी आपले मागील सामने जिंकले. त्यामुळे त्यांनी बदल करणे टाळले आहे. चेन्नईचा संघ प्रथम फलंदाजीसाठी मैदानात उतरेल. त्यांनी संघात बदल करणे टाळले असून सलामीवीर ऋतुराज गायकवाडला पुन्हा संधी दिली आहे. ऋतुराजला पहिल्या दोन सामन्यांत मिळून केवळ १० धावा करता आल्या आहेत. मात्र, वानखेडेवर सुरुवातीला फलंदाजी करणे अवघड असते. त्यामुळे सलामीवीर लवकर बाद होऊ शकतात, असे म्हणत चेन्नईचा कर्णधार महेंद्रसिंग धोनीने ऋतुराजवर विश्वास दाखवला.
#RR have won the toss and they will bowl first against #CSK at The Wankhede.
Follow the game here – https://t.co/gNnQUUgwcg #CSKvRR pic.twitter.com/Y5GNIPyfIq
— IndianPremierLeague (@IPL) April 19, 2021
दुसरीकडे राजस्थानने मुंबईकर डावखुरा सलामीवीर यशस्वी जैस्वालला संधी देणे टाळले आहे. पहिल्या दोन सामन्यांत सलामीवीर मनन वोहराला चांगली कामगिरी करता आली नाही. असे असले तरी तोच जॉस बटलरच्या साथीने राजस्थानच्या डावाची सुरुवात करेल. राजस्थानच्या संघात बटलर, डेविड मिलर, क्रिस मॉरिस आणि मुस्ताफिझूर रहमान हे चार परदेशी खेळाडू आहेत.
A look at the Playing XI for #CSKvRR
Follow the game here – https://t.co/gNnQUUgwcg #VIVOIPL https://t.co/tkj4lrYSyC pic.twitter.com/4dkuuBG4s4
— IndianPremierLeague (@IPL) April 19, 2021