भारताची स्टार टेनिसपटू सानिया मिर्झाने आपला चांगला खेळ सुरु ठेवला आहे. तिने स्लोव्हेनियाची टेनिसपटू आंद्रेया क्लेपॅकच्या साथीने खेळताना कतार ओपन स्पर्धेतील महिला दुहेरीच्या उपांत्य फेरीत प्रवेश केला आहे. सानिया-आंद्रेयाने महिला दुहेरीच्या उपांत्यपूर्व फेरीत चौथ्या सीडेड अॅना ब्लिंकोव्हा आणि गॅब्रिएला दाब्रोव्हस्कीवर ६-२, ६-० अशी सरळ सेटमध्ये मात केली. त्याआधी सोमवारी सानियाने डब्ल्यूटीए स्पर्धेत विजयी पुनरागमन केले होते. सानिया-आंद्रेया या जोडीने युक्रेनची जोडी नादिया किचेनॉक आणि ल्युडमेला किचेनॉकला ६-४, ६-७ (५-७), १०-५ असे पराभूत केले. सानियाचा हा १२ महिन्यांतील पहिला सामना होता.
WTA 500 DOHA : MIRZA/KLEPAC UPSET 4TH SEEDS TO STORM INTO SF
The pair of @MirzaSania and Andreja Klepac registered a one sided victory to book their place in the semis
[QF] 🇸🇮Klepac/🇮🇳Mirza beat (4)🇷🇺Blinkova/🇨🇦Dabrowski 6-2 6-0 pic.twitter.com/1frqw2cf6u
— Indian Tennis Daily (@IndTennisDaily) March 3, 2021
टेनिस कोर्टवर दमदार पुनरागमन
कोरोनामुळे टेनिसच्या स्पर्धा बंद झाल्या होत्या. त्याआधी सानियाने अखेरचा सामना हा कतार ओपनमध्येच खेळला होता आणि आता तिने याच स्पर्धेतून टेनिस कोर्टवर पुनरागमन केले. यावर्षाच्या सुरुवातीला सानियाला कोरोनाची बाधाही झाली होती. परंतु, तिने कतार ओपनमध्ये अप्रतिम खेळ केला आहे. तिने आंद्रेया क्लेपॅकच्या साथीने खेळताना या स्पर्धेची उपांत्य फेरी गाठली आहे.