आपल्याला पदक जिंकता आले नाही. परंतु, आपण मोठे काहीतरी केले आहे. आपल्या कामगिरीचा देशाला अभिमान आहे. देश आपल्याकडून प्रेरणा घेत आहे, असा संदेश भारतीय महिला हॉकी संघाचे प्रशिक्षक जोर्द मरीन यांनी खेळाडूंना दिला. भारतीय संघाला टोकियो ऑलिम्पिकमध्ये कांस्यपदकाच्या
जगाने वेगळा भारतीय हॉकी संघ पाहिला
तुम्ही जिंकण्यासाठी खेळता. आज आम्ही जिंकलो नसलो, तरी प्रशिक्षक म्हणून मला माझ्या खेळाडूंचा अभिमान आहे. मी त्यांनासुद्धा हेच सांगितले. ‘तुम्हाला दुःख झाल्याचे मी समजू शकतो. आपल्याला पदक जिंकता आले नाही. परंतु, आपण मोठे काहीतरी केले आहे. आपल्या कामगिरीचा देशाला अभिमान आहे. देश आपल्याकडून प्रेरणा घेत आहे. या ऑलिम्पिकमध्ये जगाने वेगळा भारतीय महिला हॉकी संघ पाहिला,’ असे मी माझ्या खेळाडूंना सांगितले. आमचा संघ झुंज देत राहिला, असे मरीन यांनी नमूद केले.
प्रशिक्षक म्हणून माझा अखेरचा सामना
जोर्द मरीन यांचा भारतीय महिला हॉकी संघाचे प्रशिक्षक म्हणून करार संपुष्टात आला आहे. भारतीय क्रीडा प्राधिकरणाने मरीन यांना करार वाढवण्यासाठी विचारणा केली होती, पण वैयक्तिक कारणांमुळे त्यांनी नकार दिला. भारतीय महिला संघाचा प्रशिक्षक म्हणून हा माझा अखेरचा सामना होता. त्यामुळे माझ्या कोणत्याही योजना नाहीत. आता जानेका शॉपमनवर या संघाची मदार आहे, असे मरीन ब्रिटनविरुद्धच्या सामन्यानंतर म्हणाले.
