जन्मदात्या आईने आपल्या पोटच्या मुलीची हत्या केल्याची धक्कादायक घटना तामिळनाडूमध्ये घडली आहे. दुसरीही मुलगीच झाल्याने जन्मदात्या आईने अठरा दिवसाच्या बाळाची हत्या केली आहे. बाळाला जमिनीवर अपटून ही हत्या करण्यात आली आहे. सेलेस्टिन असे या महिलेचे नाव असून दुसरीही मुलगी झाल्याने चिडलेल्या नवऱ्याच्या रागाने मुलीची हत्या केल्याचे उघडकीस आले आहे.
नेमके काय घडले?
तामिळनाडूमधील कासिमेडू भागात सेलेस्टिन ही नवरा आणि आपल्या दोन वर्षाच्या मुलीसोबत राहत होती. सेलेस्टिनच्या नवऱ्याचे याआधी देखील एक लग्न झाले होते. आधीच्या बायकोपासून सेलेस्टिनच्या पतीला एक तीन वर्षांचा मुलगा असल्याचे सेलेस्टिनला समजले. यावरुन सेलेस्टिन फार दुखी होती. १२ नोव्हेंबर रोजी सेलेस्टिन हिची प्रसूती झाली आणि तिला दुसरीही मुलगी झाली. पुन्हा मुलगी झाल्याने सेलेस्टिनवर तिचा पती चिडला होता. त्यांच्यात यावरुन पुन्हा वाद देखील झाला. त्यामुळे चिडून सेलेस्टिनने तिच्या अठरा दिवसांच्या मुलीला उचलले आणि जमिनीवर आपटले. यात त्या मुलीचा जागीच मृत्यू झाला. त्यानंतर सेलेस्टिनने तिच्या आईला फोन करुन आपल्या मुलीचा दूध पाजताना बाळाचा श्वास गुदमरला आणि तिचा मृत्यू झाल्याचे सांगितले. त्यानंतर आईने धाव घेत सेलेस्टिनच्या घरी गेली असता बाळ बेशुद्ध अवस्थेत आढळून आले. तिने बाळाला घेऊन रुग्णालयात धाव घेत सेलेस्टिनच्या आईने डॉक्टरांना बाळ दूध पिताना श्वास गुदमरल्याचे सांगितले. मात्र डॉक्टरांनी बाळाला तपासल्यानंतर बाळाचा मृत्यू गुदमरल्याने झाला नसल्याचे सांगितले. तसेच याबाबत पोलिसांना कळविले. त्यानंतर सेलेस्टिनची चौकशी केली असता तिने तिचा गुन्हा कबूल केला असून महिलेले अटक करण्यात आली आहे.
वाचा – आपल्यासारखा दिसत नाही म्हणून बापानेच केली पोटच्या मुलाची हत्या