हायड्रॉक्सीक्लोरोक्विनच्या निर्यातीला भारताने मान्यता दिल्याने अमेरिकेचे अध्यक्ष डोनाल्ड ट्रम्प यांचे स्वर बदलले आहेत. ट्रम्प यांनी पंतप्रधान मोदींचे कौतुक केले आहे. पंतप्रधान मोदी हे महान आणि चांगले नेते आहेत, असे ते म्हणाले. अमेरिकन न्यूज चॅनेल फॉक्स न्यूजशी संवाद साधताना ट्रम्प म्हणाले, हायड्रोक्सीक्लोरोक्विनच्या बाबतीत नरेंद्र मोदींनी आम्हाला मदत केली आहे, ते खूप चांगले आहेत. आम्हाला परदेशातून बरीच औषधे दिली जात आहेत. त्यात भारतात तयार केलेल्या हायड्रॉक्सीक्लोरोक्विन औषधे देखील आहेत. याबद्दल मी पंतप्रधान नरेंद्र मोदींशीही बोललो.
अमेरिकेच्या अध्यक्षांनी या संभाषणात सांगितले की, भारतातून फार चांगल्या गोष्टी अद्याप यायच्या आहेत. अमेरिकेने कोरोना विरुद्ध लढा देण्यासाठी भारताकडून हायड्रॉक्सीक्लोरोक्विनची २९ दशलक्ष डोस खरेदी केली आहेत. ट्रम्प यांनी चॅनेलला सांगितले की मी पंतप्रधान मोदींना विचारले होते, की ते आम्हाला हायड्रोक्सीक्लोरोक्विन औषधे देतील? ते विलक्षण होते. हायड्रॉक्सीक्लोरोक्विन हे मलेरियावरील औषध आहे. भारतात दरवर्षी मलेरियाचे प्रकार मोठ्या प्रमाणात उद्भवतात आणि यामुळेच भारत त्याचे सर्वात मोठा उत्पादक आहे. हे औषध सध्या अँटी व्हायरल म्हणून वापरले जात आहे.
मानवतावादासाठी भारताने बंदी उठविली
मंगळवारीच सरकारने या औषधाच्या निर्यातीवरील बंदी अंशतः हटविली आहे. परराष्ट्र मंत्रालयाच्या म्हणण्यानुसार सरकारने मानवतेच्या कारणास्तव हा निर्णय घेतला आहे. या औषधांची ज्या देशांना गरज असेल त्यांनाच पाठवली जातील. तथापि, देशांतर्गत गरजा भागल्यानंतर निर्यात साठ्याच्या उपलब्धतेनुसार केली जाईल, असेही भारत सरकारने म्हटले आहे.
