भांडुपमध्ये झाड कोसळून दोन जण जखमी

भांडुप येथे झाड कोसळल्याची घटना घडली आहे. ही घटना भांडुप येथील लाल बहादूर शास्त्री मार्गावर बुधवारी सायंकाळी ६.१५ वाजण्याच्या सुमारास घडली आहे. या घटनेत दोन जण जखमी झाले असून जखमींना मुलुंडच्या रुग्णालयात दाखल करण्यात आले आहे. जखमींवर रुग्णालयात उपचार सुरु असल्याची माहिती समोर आली आहे. घटनास्थळी अग्निश्मन दलाच्या गाड्या दाखल झाल्या आहेत. रस्त्याच्यामध्येच झाड कोसळल्याने मुंलुडपासून घाटकोपर पर्यंत लांबच्या लांब रांगा लागल्या आहेत. यामुळे वाहतुकीवर परिणाम झाला आहे.