भारतीय क्रिकेट टीमचा कर्णधार विराट कोहलीने काही दिवसांपुर्वीच टी-२० वर्ल्ड कपनंतर टी-२० संघाचे कर्णधारपद सोडण्याची घोषणा केली आहे. कोहलीच्या घोषणेनंतर संघातील धुसपूस समोर आली आहे. दरम्यान एखा अहवालात एका वरिष्ठ खेळाडूने वर्ल्ड टेस्ट चॅम्पियनशिप फायनलनंतर विराट कोहलीच्या नावाने बीसीसीआयचे सचिव जय शाह यांना पत्र लिहून तक्रार केली होती. जय शाह यांच्याकडे केलेल्या तक्रारदार खेळाडूचे नाव समोर आले असून तो खेळाडू रविचंद्रन अश्विन आहे. ज्याने भारतीय कर्णधाराच्या बोर्ड सचिवांकडे पत्राद्वारे तक्रार केली आहे.
विराट कोहलीने न्यूझीलंडविरुद्धच्या वर्ल्ड कप स्पर्धेत पराभवानंतर पत्रकार परिषदेत म्हटले होते की खेळाडूंनी विजयाची भावना दाखवली नाही. तर रविचंद्रन अश्विन हा एकमेव खेळाडू होता ज्याने फलंदाजांना काही प्रमाणात त्रास दिला. यानंतर तामिळनाडूचा ऑफ स्पिनर रविचंद्रन अश्विनने या प्रकरणाबाबत बीसीसीआय सचिव जय शाह यांना तक्रार करणारे पत्र लिहिले, असे अहवालात म्हटले आहे. संपूर्ण क्रिकेट जगताकडून अश्विनला इंग्लंडविरुद्धच्या पाच कसोटी सामन्यांच्या मालिकेत खेळवण्यात येण्याची मागणी करण्यात आली होती. पण विराट कोहलीने त्याला चारही कसोटी सामन्यांमध्ये बाहेर ठेवले आणि त्याच्या जागी रवींद्र जडेजाला संधी दिली. काही वेळा, अश्विन मालिकेदरम्यान स्टँडमध्ये एकटा बसलेला दिसला.
चहलला खेळवण्याची विराटची इच्छा
अहवालात असेही म्हटले आहे की, कर्णधार विराट कोहलीला टी -२० विश्वचषक संघात युझवेंद्र चहलचा समावेश करायचा होता असेही अहवालात सांगण्यात आले आहे . पण तो निवडकर्त्यांसमोर गेला नाही आणि त्याबद्दल वाद झाला. रविचंद्रन अश्विनला टी -२० विश्वचषकासाठी भारतीय संघात स्थान मिळाले. भारतीय कर्णधाराने टी -२० विश्वचषकासाठी संघ निवडल्यानंतरच टी -२० संघाचे कर्णधारपद सोडण्याची घोषणा केली होती. यानंतर अनेक ठिकाणी असेही वृत्त आले की विराट कोहलीने रोहित शर्माला उपकर्णधारपदावरून हटवण्याविषयी बोलले. अशा चर्चा इथेच थांबल्या नसून एकदिवसीय सामन्यांचे कर्णधारपदही विराट कोहलीकडून काढून घेतले जाईल, असेही म्हटले जात होते.
विराट कोहलीने आयपीएल २०२१ नंतर आरसीबी संघाचे कर्णधारपद सोडण्याची घोषणा केली होती. दुसरीकडे, मुख्य प्रशिक्षक रवी शास्त्री यांनीही टी -२० विश्वचषकानंतर आपल्या पदाचा राजीनामा देण्याची घोषणा केली होती. त्याचबरोबर शास्त्री यांनी असेही म्हटले की, ऑस्ट्रेलिया दौऱ्यानंतर त्याने कोहलीला वनडे आणि टी -२० कर्णधारपद सोडून त्याच्या फलंदाजीवर लक्ष केंद्रित करण्याचा सल्ला दिला होता.
मात्र, भारतीय कर्णधाराने त्याचे ऐकले नाही आणि त्याने आपल्या पत्रात स्पष्ट केले की, तो कामाचा ताण सांभाळण्यासाठी टी -२० संघाचे कर्णधारपद सोडत आहे आणि एकदिवसीय आणि कसोटींमध्ये तो कर्णधारपदासाठी पूर्णपणे तयार आहे. कोहली आणि अश्विन यांच्यातील वादाच्या या चर्चांमध्येही टी -२० वर्ल्डकप दरम्यान भारतीय स्पिनरला अंतिम ११ मध्ये संधी मिळते का हे पाहणे बाकी आहे.
हेही वाचा : चहलला भारतीय संघातून वगळल्याने सेहवाग संतापला; निवडकर्त्यांकडे मागितलं स्पष्टीकरण
