Maharashtra Corona Update: दिलासादायक! राज्यात एकही ओमिक्रॉन रुग्णांची नोंद नाही; ४०,९२५ नव्या कोरोना रुग्णांची वाढ

राज्यातील आज एकाबाजूला दैनंदिन रुग्णसंख्येने ४० हजार पार केले असले तरी दुसऱ्याबाजूला राज्यात एकही ओमिक्रॉन रुग्णांची नोंद झाली नाही. राज्यातील चिंतेच्या वातावरणात ही दिलासादायक बाब आहे. गेल्या २४ तासांत राज्यात ४० हजार ९२५ नव्या कोरोनाबाधितांची वाढ होऊन २० जणांच्या मृत्यू नोंद झाली आहे. तर १४ हजार २५६ रुग्ण बरे होऊन घरी गेले आहे. तर दुसऱ्याबाजूला राज्यातील आज दिवसभरात एकही ओमिक्रॉनबाधित आढळला नाही. आतापर्यंत राज्यात एकूण ८७६ ओमिक्रॉनबाधित आढळले आहेत. सध्या राज्यात १ लाख ४१ हजार ४९२ ॲक्टिव्ह कोरोना रुग्ण आहेत.

COVID19 | Maharashtra reports 40,925 new cases, 20 deaths and 14,256 recoveries today; Active cases at 1,41,492. Omicron cases reach 876 including 435 recoveries pic.twitter.com/8PAtp2FURB

— ANI (@ANI) January 7, 2022

राज्यातील आता एकूण कोरोनाबाधितांची संख्या ६८ लाख ३४ हजार २२२वर पोहोचली आहे. यापैकी आतापर्यंत १ लाख ४१ हजार ६१४ जणांचा मृत्यू झाला असून ६५ लाख ४७ हजार ४१० रुग्ण कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण (Recovery Rate) ९५.८ टक्के एवढे झाले आहे. सध्या राज्यातील मृत्यूदर २.०७ टक्के एवढा आहे.

आजपर्यंत तपासण्यात आलेल्या ७ कोटी १ लाख ४६ हजार ३२९ प्रयोगशाळा नमुन्यांपैकी ६८ लाख ३४ हजार २२२ (९.७४ टक्के) नमुने पॉझिटिव्ह आले आहेत. सध्या राज्यात ७ लाख ४२ हजार ६८४ व्यक्ती होमक्वारंटाईनमध्ये आहेत तर १ हजार ४६३ व्यक्ती संस्थात्मक क्वारंटाईनमध्ये आहेत. आतापर्यंत आढळेल्या ८७६ ओमिक्रॉनबाधितांची पैकी ४३५ रुग्ण रिकव्हर झाले आहेत.

आतापर्यंत राज्यात कुठे, किती ओमिक्रॉनबाधित आढळले? 

हेही वाचा – लॉकडाऊनची अफवाच