अमन खानची (४ विकेट) अप्रतिम फिरकी गोलंदाजी आणि अभिनव सिंगच्या (८१ आणि ५०) चांगल्या फलंदाजीच्या जोरावर घाटकोपर विभाग अ संघाने एल.आय.सी कल्पेश कोळी स्मृती चषक स्पर्धेच्या उपांत्य फेरीत ठाणे विभाग ब संघाला पराभूत केले. त्यामुळे घाटकोपर विभाग अ संघाने अंतिम फेरीत प्रवेश केला असून या फेरीत त्यांचा सामना कलिना विभाग ब संघाशी होणार आहे. कलिना विभाग ब संघाने उपांत्य फेरीच्या दुसर्‍या सामन्यात बलाढ्य कालिना विभाग अ संघाला १३९ धावांत गुंडाळले, तर याला उत्तर देताना ब संघाने जश गानिगा (६०) आणि अंक्रीश रघुवंशी (६०) यांच्या चांगल्या फलंदाजीच्या जोरावर ३४५ धावांचा डोंगर उभारला. त्यामुळे पहिल्या डावातील आघाडीच्या बळावर कलिना विभाग ब संघाने अंतिम फेरी गाठली.
अंतिम फेरीचा सामना २४ आणि २५ मे रोजी माटुंग्याच्या न्यू हिंद स्पोर्टींग क्लब येथे रंगणार आहे. या सामन्याचे थेट प्रक्षेपण युट्युब आणि फेसबुकवर होणार आहे.
कलिना विभाग अ: सर्वबाद १३९ (राजसिंग देशमुख ३४; उमर खान ४/२०, झेनिथ सचदेव ४/४३) आणि ९ बाद १९९ (राजसिंग देशमुख ६४, क्रिश सुभ्रमण्यम ३९; अंक्रीश रघुवंशी २/६, आयुष्य जेथव २/१९, उमर खान २/४८) पराभूत वि. कलिना विभाग ब: सर्वबाद ३४५ (जश गानिगा ६०,अंक्रीश रघुवंशी, ६०, शाश्वत झुनझुनवाला ४४, तेजस चाळके ३/५८, शुभम खरात २/४४).
सामनावीर :उमर खान
घाटकोपर विभाग अ : सर्वबाद १८१ (अभिनव सिंग ८१; जय धात्रक ५/३७) आणि ९ बाद १६३ डाव घोषित (अभिनव सिंग ५०; आकाश सिंग ३/३९, आर्यन दलाल ३/६६) विजयी वि. ठाणे विभाग ब: सर्वबाद १६७ (आकाश सिंग ९८; अमन खान ४/४७, हर्ष मेंडोन २/२९, सिद्धांत वालावलकर २/३६).
सामनावीर : अभिनव सिंग
