नवी दिल्लीः Stock Market Opening: या आठवड्यात शेअर बाजाराला दणका बसण्याची चिन्हे आहेत. खरं तर हा अर्थसंकल्पाचा आठवडा असून, बाजारात बजेटपूर्व आणि अर्थसंकल्पोत्तर रॅली पाहायला मिळेल, अशी अपेक्षा आहे. आज बाजाराच्या सुरुवातीला सेन्सेक्स आणि निफ्टी 1-1 टक्क्यांनी वाढलेत. बाजार उघडताच सेन्सेक्स 750 अंकांवर चढून 58,000 च्या जवळपास पोहोचला.
बाजार कितीने खुलला?
आज व्यवसाय सुरू होताच सेन्सेक्स 693 अंकांच्या उसळीवर होता. सुरुवातीच्या मिनिटातच सेन्सेक्स 736 अंकांनी म्हणजेच 1.3 टक्क्यांनी वाढल्यानंतर 57,936.35 वर व्यवहार करीत होता. निफ्टीमध्ये 200 अंकांच्या जबरदस्त वाढीनंतर ट्रेडिंग 17301 वर उघडले. ट्रेडिंग उघडल्यानंतर 8 मिनिटांतच त्याने 17327 चा उच्चांक गाठला होता.
निफ्टीची चाल कशी?
आज निफ्टीमध्ये वाढ पाहायला मिळाली आणि फक्त 3 समभाग घसरत आहेत, उर्वरित 47 समभाग हिरव्या चिन्हासह व्यवहार करत आहेत. बँक निफ्टीदेखील 408 अंकांनी किंवा 1.08 टक्क्यांनी वाढला आणि तो 38,097 च्या पातळीवर कायम आहे.
निफ्टी स्टॉकची स्थिती
आज विप्रो निफ्टीच्या चढत्या समभागांमध्ये 3.36 टक्क्यांच्या उसळीसह व्यवहार करीत आहे आणि ONGC 3.29 टक्क्यांच्या वर आहे. टेक महिंद्रा 2.86 टक्क्यांनी आणि टायटन 2.72 टक्क्यांनी वर आहे. Divi’s Lab 2.57 टक्के मजबुतीसह व्यापार करीत आहे.
घसरणीचा क्रम
इंडसइंड बँक 1.70 टक्क्यांनी आणि एलअँडटी 1.30 टक्क्यांनी खाली आहे. एनटीपीसी 0.64 टक्क्यांच्या घसरणीसह व्यवहार करत आहे.
प्री-ओपनिंगमध्ये आज बाजार कसा होता?
प्री-ओपनिंगमधील बाजाराची हालचाल पाहिली तर सेन्सेक्स आणि निफ्टीमध्ये प्रत्येकी एक टक्क्याहून अधिक उसळी दिसत आहे. सेन्सेक्स 650 हून अधिक अंकांनी वाढला. सकाळी 9.10 वाजता प्री-ओपनमध्ये सेन्सेक्स 660 अंकांच्या किंवा 1.16 टक्क्यांच्या उसळीसह 57,861 वर व्यवहार करताना दिसत आहे. निफ्टी त्याच वेळी 17301 च्या पातळीवर व्यवहार करत असून, तो 200 अंकांच्या वर आहे.
हेही वाचाः भारत-इस्रायल संरक्षण कराराच्या चौकशीची मागणी, पेगासस प्रकरणी सर्वोच्च न्यायालयात याचिका
