देशातील आयआयएम बंगळुरूचे नाव यावर्षीच्या बिझनेस स्कूलमध्ये सामाविष्ट करण्यात आले आहे. इंडियन इन्स्टिट्यूट ऑफ मॅनेजमेंट-बंगळुरूला ‘फायनान्शियल टाइम्स मास्टर्स इन मॅनेजमेंट रँकिंग 2022’ मध्ये भारतातील सर्वोत्कृष्ट बिझनेस स्कूल म्हणून घोषित करण्यात आले आहे. एमआयएमची क्रमवारी सोमवार 12 सप्टेंबर रोजी जाहीर करण्यात आली. या क्रमवारीनुसार यंदा आयआयएम बंगळुरूनेही जागतिक स्थानावर झेप घेतली असल्याचे संस्थेच्या वतीने सांगण्यात आले. (financial times mim ranking 2022 released iim bangalore best business schools in the country 31 global ranking)
या क्रमवारीनुसार, इंडियन इन्स्टिट्यूट ऑफ मॅनेजमेंट-बंगळुरू जागतिक स्तरावर 31 व्या क्रमांकावर आहे. 2021 मध्ये आयआयएमबी 47 व्या स्थानावर होते. दरम्यान, क्रमवारीत झेप घेतल्यानंतर या क्रमवारीत IIMB चे नेतृत्व स्थान शाळेची दृश्यमानता आणि प्रतिष्ठा वाढविण्यात भूमिका बजावत असल्याचे आयआयएमबीचे संचालक प्रो. हृषिकेश टी कृष्णन यांनी म्हटले.
आयआयएमबीने जारी केलेल्या निवेदनानुसार, आयआयएमबीचा दोन वर्षांचा व्यवस्थापनातील पूर्ण-वेळ पदव्युत्तर कार्यक्रम एमबीए अभ्यासक्रमाकडे नेणारा आहे. आयआयएम बंगळुरूने पैसा, संस्थेच्या मंडळावरील महिला, डॉक्टरेटसह प्राध्यापक, आंतरराष्ट्रीय अभ्यासक्रमाचा अनुभव आणि यूएस डॉलरमध्ये मोठा पगार या बाबींमध्ये अव्वल स्थान पटकावले आहे.
IIM बंगळुरूचा MBA प्रोग्राम QS आणि FT ग्लोबल रँकिंगमध्ये सातत्याने भारतातील टॉप 3 आणि जागतिक स्तरावर टॉप 50 मध्ये आहे. नॅशनल इन्स्टिट्यूशनल रँकिंग फ्रेमवर्कमध्ये भारतातील टॉप 2 मॅनेजमेंट स्कूलमध्ये बी स्कूलला नेहमीच स्थान दिले जाते. केवळ भारतातच नाही तर जगभरातील शीर्ष 100 एफटी एमआयएम शाळांपैकी बी-स्कूल पदवीधरांना मोठा पगार आहे.
एफटी एमआयएम रँकिंग 16 निकषांवर आधारित आहे. यामध्ये, माजी विद्यार्थ्यांचा प्रतिसाद सात निकषांची माहिती देतो जे एकत्रितपणे क्रमवारीच्या एकूण वजनामध्ये 59 टक्के योगदान देतात. उर्वरित नऊ पॅरामीटर्स शाळेच्या डेटावरून मोजले जातात आणि त्यांना 41 टक्के वेटेज दिले जाते.
हेही वाचा – राज ठाकरे यांचं ‘मिशन विदर्भ’, १७ सप्टेंबरपासून जाणार दौऱ्यावर; जाहीर केला भरगच्च कार्यक्रम
