देशात गेल्या काही दिवसांपासून नव्या कोरोनाबाधितांच्या संख्येत हळूहळू घट होताना दिसत आहे. आज सलग चौथ्या दिवशी नव्या कोरोनाबाधितांच्या संख्येत मोठी घट झाली आहे. देशात काही दिवसांपासून दैनंदिन ३ लाखांहून अधिक नव्या रुग्णांची नोंद होत होती. मात्र आज नव्या कोरोनाबाधितांच्या संख्येत ५० हजार १९०ने घट होऊन २४ तासांत २ लाख ५५ हजार ८७४ रुग्णांची नोंद झाली आहे. दैनंदिन पॉझिटिव्हीटी रेट देखील घसरला असून १५.५१ टक्के झाला आहे. गेल्या २४ तासांत देशात ६१४ रुग्णांचा मृत्यू झाला असून २ लाख ६७ हजार ७५३ रुग्ण कोरोनामुक्त झाले आहेत. सध्या देशात २२ लाख ३६ हजार ८४२ रुग्णांवर उपचार सुरू आहेत.
India reports less than 3 lakh COVID cases- 2,55,874 new cases (50,190 less than yesterday), 614 deaths and 2,67,753 recoveries in the last 24 hours
Active case: 22,36,842
Daily positivity rate: 15.52% pic.twitter.com/IW8LijHuru— ANI (@ANI) January 25, 2022
काल, सोमवारी देशात ३ लाख ६ हजार ६४ नव्या कोरोनाबाधितांची नोंद झाली होती. तर ४३९ रुग्णांचा मृत्यू आणि २ लाख ४३ हजार ४९५ रुग्ण बरे होऊन घरी गेले होते. कालच्या तुलनेत आज नव्या कोरोनाबाधितांच्या संख्येत ५० हजार १९०ने घट झाली आणि मृत्यूच्या संख्या १७५ संख्येने वाढ झाली. तर रुग्ण बरे होण्याची संख्येत २४ हजार २५८ने वाढली. त्यामुळे जरी कोरोनाबाधितांच्या संख्येत घट झाल्यामुळे दिलासा मिळाला असला तरी कोरोना मृत्यूच्या संख्येत वाढ झाल्यामुळे चिंता कायम आहे.
देशातील एकूण कोरोनाबाधितांची संख्या – ३ कोटी ९७ लाख ९९ हजार २०२
देशातील एकूण मृत्यूची संख्या – ४ लाख ९० हजार ४६२
देशातील एकूण रुग्ण बरे झालेल्यांची संख्या – ३ कोटी ७० लाख ७१ हजार ८९८
देशातील एकूण सक्रीय रुग्णसंख्या – २२ लाख ३६ हजार ८४२
देशातील एकूण चाचण्यांची संख्या – ७१ कोटी ९८ लाख २ हजार ४३३
देशातील एकूण लसीकरणाची संख्या – १ अब्ज ६२ कोटी ९२ लाख ९ हजार ३०८