देशात कोरोना व्हायरसचा प्रादुर्भाव वेगान कमी होताना दिसत आहे. नव्या कोरोनाबाधितांच्या संख्येत काल, मंगळवारी मोठी घट झाली. ६३ दिवसांनी पहिल्यांदा नव्या रुग्णसंख्येत घट झाल्याचे पाहायला मिळाले. काल ८६ हजारांहून अधिक नवे रुग्ण आढळले होते. आज नव्या रुग्णसंख्येत किंचित वाढ झाली असली तरी संख्या एक लाखाच्या आत आहे. केंद्रीय आरोग्य मंत्रालयाने दिलेल्या माहितीनुसार, गेल्या २४ तासांत ९२ हजार ५९६ नवे कोरोनाबाधित आढळले असून २ हजार २१९ रुग्णांच्या मृत्यूची नोंद झाली आहे. तर १ लाख ६२ हजार ६६४ रुग्ण बरे होऊन घरी गेले आहेत.
२३ कोटी ९० लाखांहून अधिक जणांचे झाले लसीकरण
देशातील आता कोरोनाबाधितांची एकूण संख्या २ कोटी ९० लाख ८९ हजार ६९वर पोहोचली आहे. यापैकी आतापर्यंत ३ लाख ५३ हजार ५२८ जणांचा मृत्यू झाला असून २ कोटी ७५ लाख ४ हजार १२६ जण कोरोनामुक्त झाले आहेत. तसेच सध्या १२ लाख ३१ हजार ४१५ रुग्णांवर उपचार सुरू आहेत. आतापर्यंत देशात २३ कोटी ९० लाख ५८ हजार ३६० जणांचे कोरोना लसीकरण पार पडले आहे.
India reports 92,596 new #COVID19 cases, 1,62,664 discharges, and 2219 deaths in the last 24 hours, as per Union Health Ministry.
Total cases: 2,90,89,069
Total discharges: 2,75,04,126
Death toll: 3,53,528
Active cases: 12,31,415Total vaccination: 23,90,58,360 pic.twitter.com/m13IcoPRqe
— ANI (@ANI) June 9, 2021
देशात ८ जूनपर्यंत ३७ कोटी १ लाख ९३ हजार ५६३ नमुन्यांच्या चाचण्या झाल्या आहेत. यापैकी आतापर्यंत १९ लाख ८५ हजार ९६७ नमुन्यांच्या चाचण्या कालपर्यंत झाल्या आहेत, अशी माहिती आयसीएमआरने दिली आहे.
37,01,93,563 samples tested for #COVID19 up to 8th June 2021 of which 19,85,967 samples were tested yesterday: Indian Council of Medical Research (ICMR) pic.twitter.com/R0zMgPop4k
— ANI (@ANI) June 9, 2021
वर्ल्डोमीटरच्या आकडेवारीनुसार, आतापर्यंत जगभरात १७ कोटी ४७ लाखांहून अधिक कोरोनाबाधित आढळले आहेत. यापैकी आतापर्यंत ३७ लाख ६२ हजारांहून अधिक जणांचा मृत्यू झाला आहे. तर १५ कोटी ८१ लाखांहून अधिक जण बरे होऊन घरी गेले आहेत.
हेही वाचा – Corona Vaccination: आता १२ वर्षाखालील वयोगटाच्या मुलांनाही कोरोनाची लस; Pfizerने सुरू केली चाचणी