दक्षिण सियाचीन ग्लेशिअरमध्ये भारतीय लष्काराच्या गस्ती पथकाजवळ शनिवारी हिमकडा कोसळल्याची दुदैवी घटना घडली. या दुर्घटनेत दोन जवान शहीद झाल्याचे वृत्त समोर आले असून सुमारे १८ हजार फूटांवर ही दुर्घटना घडल्याचे कळते.
Indian Army:Army patrol operating at approx 18,000 ft in Southern Siachen Glacier was hit by avalanche,during early hours today.Avalanche Rescue Team rushed&managed to locate&pull out the patrol team. Helicopters helped to evacuate victims. 2 Army personnel succumbed in avalanche
— ANI (@ANI) November 30, 2019
या दुर्घटनेत गस्ती पथकातील जवानांना बाहेर काढण्यासाठी बचाव पथकाने हेलिकॉप्टरच्या मदतीने काम सुरु केले आणि जवानांना बाहेर काढले. मात्र, यातील दोन जवान शहीद झाल्याचे वृत्त समोर आले आहे. यापूर्वी १८ नोव्हेंबर रोजी देखील सियाचीन ग्लेशिअरमध्ये अशाच प्रकारे एक गस्ती पथक हिमस्खलनाच्या तावडीत सापडले होते. यामध्ये चार जवान शहीद झाले होते तर दोन पोर्टर्सचा मृत्यू झाला होता. या दुर्घटनेत गस्ती पथकातील ८ जवान आणि पोर्टर बेपत्ता झाले होते.
