काँग्रेस नेते पी. चिदंबरम यांना आयएनएक्स मीडिया घोटाळ्याप्रकरणी सीबीआय कोर्टाने दणका दिला आहे. कोर्टाने चिदंबरम यांची २ सप्टेंबरपर्यंत सीबीआय कोठडी वाढवली आहे. सीबीआयने कोर्टाकडे चिदंबरम यांच्या कोठडीत पाच दिवसांची वाढ करण्याची मागणी केली. यावेळी कोर्टाने सीबीआय एकदाच १५ दिवसांची कोठडी का मागत नाही? असा सवाल सीबीआयला केला. अखेर कोर्टाने २ सप्टेंबरपर्यंत सीबीआय कोठडी वाढवली.
Special CBI court further extends the Central Bureau of Investigation (CBI) remand of P Chidambaram till 2nd September in connection with INX media case pic.twitter.com/Q4Wraopum9
— ANI (@ANI) August 30, 2019
हेही वाचा – पी. चिदंबरम हिंदू दहशतवाद शब्दाचे ‘जनक’!
‘चिदंबरम तपासामध्ये सहकार्य करत नाहीत’
चिदंबरम तपासामध्ये सहकार्य करत नाही, असे सीबीआयने कोर्टात सांगितले. त्यामुळे आता इतर आरोपी आणि चिदंबरम यांची समोरासमोर चौकशी करण्याची गरज असल्याचे सीबीआयने कोर्टात सांगितले. दरम्यान, चिदंबरम यांना आतापर्यंत ४४ प्रश्न विचारण्यात आल्याचे त्यांच्या वकिलांनी सांगितले.