लोकप्रिय अभिनेत्री सनी लिओनी सध्या तरुणाईच्या गळ्यातील ताईत आहे. सनी मुळात पोर्नस्टार आहे, तिने ‘जिस्म २’ या चित्रपटाद्वारे बॉलिवूडमध्ये पदार्पण केले होते. मात्र अल्पवधीतच तिने तिच्या घायाळ अदांनी प्रेक्षकांची मने जिंकली आहेत. आज सनी लिओनीची गणना बॉलिवूडच्या लोकप्रिय अभिनेत्रींमध्ये केली जाते. सनी जेव्हा एडल्ड इंडस्ट्रीत होती तिथे ती नंबर वन होती. मात्र आता बॉलिवूडमधील तिचा बोल्ड अंदाज पाहता इथेही तिचा मोठा चाहतावर्ग निर्माण झाला आहे. तिला पाहण्यासाठी तिचे चाहते धडपडत असतात. तिच्या एका लुकने चाहत्यांच्या काळजाचं पाणी पाणी होऊन जाते. अशातच अचानक सनी येवून तुमच्या समोर उभी राहिली तर काय कराल? असंच काहीसं केरळमधील मुलांसोबत झाले आहे. त्यांनी जे केलं ते पाहून सनीने चक्क चाहत्यांकडे त्यामुलांना शोधण्याचे आवाहन केले आहे.
Spread this pic and help me find these awesome fans so that I can give them a shoutout 😍!! pic.twitter.com/nQbIi0wE0M
— sunnyleone (@SunnyLeone) May 11, 2021
सनी नुकतीच तिच्या पती आणि मुलांसोबत केरळमध्ये गेली आहे. केरळमधील निसर्गसौंदर्याचा आनंद घेण्यासाठी ती एका बोटीने समुद्र सफारीसाठी गेली. या सफरीदरम्यान सनीला एक आगळा वेगळा अनुभव आला. समुद्रात असताना सनीच्या बोटीशेजारी एक छोटी होडी आली आणि त्या होडीमधील मुलांनी सनीला अचानक पाहताच त्यांच्या आनंदाला पारावर उरला नाही. ते सगळे सनीचे नाव घेत तिचे फोटो काढू लागले. तसेच तिला चिअर करण्यासाठी ओरडू लागले. या घटनेनंतर सनीने त्यांचा एक फोटो ट्विटरवर शेअर करत चाहत्यांकडे मदत मागितली आहे. तिने हा फोटो शेअर करत, ”हा फोटो व्हायरल करा आणि या प्रेमळ चाहत्यांना शोधण्यासाठी माझी मदत करा. जेणेकरुन मी त्यांना भेटू शकेन.” अशी पोस्ट सनीने ट्विटरवर शेअर केली आहे.
View this post on Instagram
अभिनेत्रीच्या या ट्वीटवर अनेक प्रतिक्रिया आल्या आहेत. तर कित्येकांनी सनीचं ट्विट रिट्विट करत त्या मुलांना शोधण्याचं काम सुरू केलं आहे. एका युझरने तर कमेंट करत त्या फोटोमध्ये तो स्वतः असल्याचं सांगितलं आहे. युझरने लिहिलं, ‘मॅम, एक तर मीच आहे. तो जो टक्कल असलेल्या मुलाच्या मागे झाकला गेलाय तो मीच आहे. कृपया मॅम शाउट आउट द्या ना. मी या धरतीवरचा तुमचा सगळ्यात मोठा चाहता आहे.’ दरम्यान, सनीने केरळमध्ये आपल्या कुटुंबासोबत मदर्स डे साजरा केलं होता आणि त्याचा एक फोटोही चाहत्यांसोबत शेअर केला होता.
हे वाचा- देवीचा फोटो असलेला जॅकेट घातल्याने देसी गर्ल पुन्हा ट्रोल…
