बऱ्याचदा दूषित वातावरणाचा आपल्या शरीरावर परिणाम होतो आणि आपण सर्दी, डोकेदुखी यामुळे आजारी देखील पडतो. अशावेळी घरच्या घरी उपाय म्हणून हळदीच्या पाण्याची वाफ घेतली जाते. त्यामुळे आराम मिळतो. परंतु, तुम्ही रोज गरम पाण्याची वाफ घेतल्यास तुमचे आरोग्य चांगले राहण्यास मदत होते. त्याचप्रमाणे चेहऱ्यासाठी गरम पाण्याची वाफ घेणे अतिशय फायदेशीर आहे.
- वारंवार सर्दी खोकल्याचा त्रास होत असेल तर गरम पाण्याची वाफ घेणे फायद्याचे ठरते.
- नाकातोंडातून तसेच घशाला वाफेचा शेक मिळाल्यामुळे लवकर आराम मिळतो.
- वाफेसोबत कोमट पाण्याच्या गुळण्या केल्याने खोकला कमी होतो.
- चेहरा तजेलदार दिसावा असे वाटत असेल तर तुम्ही आठवड्यातून दोन वेळा गरम पाण्याची वाफ घेऊ शकता. यामुळे तुमचा चेहरा खुलून दिसेल.
- कोणताही स्क्रब अथवा चेहऱ्यावर चंदन लावायचे झाल्यास तुम्ही आधी गरम पाण्याची वाफ घ्या. त्यामुळे चेहऱ्यावरील छोटी छोटी छिद्र मोकळी होतात आणि चेहऱ्यावरील घाण बाहेर निघते.
- त्वचेवरील मृत त्वचा गरम पाण्याची वाफ घेतल्यामुळे निघून जाते आणि तुमचा चेहरा तजेलदार दिसतो. गरम पाण्याची वाफ घेणे हे शरीराच्या आरोग्यासाठी अतिशय फायदेशीर आहे.
- घसा दुखीचा त्रास होत असल्यास गरम पाण्याची वाफ घेणे फायद्याचे ठरते. ज्यावेळेस घसा दुखत असेल तेव्हा गरम पाणी करुन घशाला शेक मिळेल, अशा पद्धतीने तुम्ही वाफ घेऊ शकता याने बराच फरक जाणवेल.
