Corona Update: राज्यात २४ तासांत ८,३४८ नवे रूग्ण; १४४ जणांचा मृत्यू

देशभरासह राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ८ हजार ३४८ नव्या रूग्णांची नोंद राज्यात करण्यात आली आहे. तर दिवसभरात १४४ जणांना कोरोनाने बळी गेला आहे. तसेच राज्यात आतापर्यंत एकूण ३,००,९३७ जणांना कोरोनाची लागण झाली आहे. तसेच आज दिवसभरात ५ हजार ३०७ कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख ६५ हजार ६६३ करोना बाधित रुग्ण बरे होऊन घरी परतले आहेत.

8,348 new #COVID19 positive cases, 144 deaths and 5,307 discharged in Maharashtra today. The total number of positive cases in the state rises to 3,00,937 including 1,65,663 discharged and 11,596 deaths: State health department

— ANI (@ANI) July 18, 2020

आजपर्यंत तपासण्यात आलेल्या १५ लाख २२ हजार ५६४ प्रयोगशाळा नमुन्यांपैकी ३,००,९३७ (१९.७६ टक्के) कोरोना नमुने पॉझिटिव्ह आले आहेत. दरम्यान, सध्या राज्यात ७ लाख ४० हजार ८८४ व्यक्ती होमक्वारंटाईनमध्ये आहेत तर ४५ हजार ५५२ व्यक्ती संस्थात्मक क्वारंटाईनमध्ये आहेत. तर राज्यात आज एकूण १ लाख २३ हजार ३७७ ऍक्टिव्ह रुग्ण आहेत.

राज्यातील जिल्हा निहाय रुग्णांचा तपशील

आतापर्यंत एकूण १ लाख ६५ हजार ६६३ रूग्णांनी कोरोनावर मात केली आहे. राज्याचा कोरोना रूग्ण बरे होण्याचा रिकव्हरी रेट (Recovery Rate) हा ५५.०५ टक्के इतका झाला आहे. यासह राज्यात आज १४४ करोना बाधित रुग्णांच्या मृत्यूंची नोंद करण्यात आल्याने सध्या राज्यातील मृत्यूदर ३.८५% एवढा झाला असल्याचे सांगण्यात येत आहे.