Corona Update: राज्यात २४ तासांत ९,६१५ नव्या रूग्णांची नोंद; २७८ मृत्यू

देशभरासह राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ९ हजार ६१५ नव्या रूग्णांची नोंद राज्यात करण्यात आली आहे. तर दिवसभरात २७८ जणांना कोरोनाने बळी गेला आहे. तसेच राज्यात आतापर्यंत एकूण ३ लाख ५७ हजार ११७ जणांना कोरोनाची लागण झाली आहे. तसेच आज दिवसभरात ५ हजार ७१४ कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख १९ हजार ९६७ करोना बाधित रुग्ण बरे होऊन घरी परतले आहेत.

9615 new #COVID19 positive cases and 278 deaths reported in Maharashtra today; 5714 discharged.

The total positive cases in the state rises to 3,57,117 including 1,99,967 recovered patients and 13,132 deaths: Public Health Department, Maharashtra pic.twitter.com/q5syqibmm4

— ANI (@ANI) July 24, 2020

आजपर्यंत तपासण्यात आलेल्या १७ लाख ८७ हजार ३०६ प्रयोगशाळा नमुन्यांपैकी ३ लाख ५७ हजार ११७(१९.९८ टक्के) कोरोना नमुने पॉझिटिव्ह आले आहेत. दरम्यान, सध्या राज्यात ८ लाख ८८ हजार ९७६ व्यक्ती होमक्वारंटाईनमध्ये आहेत तर ४५ हजार ८३८ व्यक्ती संस्थात्मक क्वारंटाईनमध्ये आहेत. तर राज्यात आज एकूण १ लाख ४३ हजार ७१४ ऍक्टिव्ह रुग्ण आहेत.

राज्यातील जिल्हा निहाय रुग्णांचा तपशील

आतापर्यंत एकूण १ लाख ९९ हजार ९६७ रूग्णांनी कोरोनावर मात केली आहे. राज्याचा कोरोना रूग्ण बरे होण्याचा रिकव्हरी रेट (Recovery Rate) हा ५५.९९ टक्के इतका झाला आहे. यासह राज्यात आज २७८ करोना बाधित रुग्णांच्या मृत्यूंची नोंद करण्यात आल्याने सध्या राज्यातील मृत्यूदर ३.६८% एवढा झाला असल्याचे सांगण्यात येत आहे.