राज्याचे अल्पसंख्याक मंत्री नवाब मलिक यांची मुलगी निलोफर मलिक यांनी विरोधी पक्षनेते देवेंद्र फडणवीस यांना अब्रू नुकसानीची कायदेशीर नोटीस पाठवली होती. त्यानंतर आता देवेंद्र फडणवीस यांच्या पत्नी अमृता फडणवीस यांनी प्रत्यूत्तर म्हणून नवाब मलिक यांना कायदेशीर नोटीस पाठवली आहे. दरम्यान, मानहानीकारक आणि दिशाभूल करणारे ट्विट ४८ तासांत डिलीट करा आणि सार्वजनिकपणे माफी मागा. अन्यथा मानहानीच्या खटल्याला सामोर जा. अशा स्वरूपाची नोटीस अमृत फडणवीस यांनी नवाब मलिक यांनी पाठवली आहे.
मानहानीच्या खटल्यासह फौजदारी कारवाईचाही इशारा या नोटीसच्या माध्यमातून देण्यात आला आहे. कलम ४९९ आणि ५०० अंतर्गत कारवाईचा इशारा देण्यात आलेला आहे. एकंदरीत आता अमृता फडणवीसांनी नवाब मलिकांना कायदेशीर नोटीस पाठवली असून नोटीस वॉर, अशा प्रकारचं चित्र रंगताना आपल्याला पहायला मिळत आहे.
Notice of Defamation continued…. @nawabmalikncp pic.twitter.com/JBdNKoGtsW
— AMRUTA FADNAVIS (@fadnavis_amruta) November 11, 2021
हेही वाचा: गुजरातच्या ड्रग्ज कनेक्शनबाबत नवाब मलिकांचा मोठा बॉम्ब
दरम्यान, नवाब मलिक यांनी पत्रकार परिषद घेऊन विविध प्रकारचे आरोप विरोधी पक्षनेते देवेंद्र फडणवीस यांच्यावर केले होते. अंडरवर्ल्डच्या व्यक्तींशी त्यांचे संबंध आहेत. अशा प्रकारचं वक्तव्य करत नवाब मलिक यांनी देवेंद्र फडणवीस यांच्यावर निशाणा साधला होता. त्यामुळे राजकीय वातावरण आता ढवळून निघालं असून दोघांनीही ऐकमेकांच्या कुटुंबियांना नोटीस पाठवली आहे. त्यामुळे याचे नेमके काय पडसाद उमटणार आहेत, हे पाहणं आता महत्त्वाचं ठरणार आहे.
अल्पसंख्याक मंत्री नवाब मलिक यांनी समीर वानखेडे यांच्यावर ताशेरे ओढले होते. त्यानंतर त्यांनी विरोधी पक्षनेते देवेंद्र फडणवीस यांच्यावर हल्लाबोल केला होता. फडणवीस यांचे संबंध ड्रग्जच्या मास्टर माइंडसोबत आहेत. असा आरोप नवाब मलिक यांनी केला होता.
Jaideep Rana https://t.co/3GccIpONI2
— Nawab Malik نواب ملک नवाब मलिक (@nawabmalikncp) November 1, 2021
त्याचप्रमाणे अमृता फडणवीस यांच्यासोबत असलेला व्यक्ती ड्रग्ज माफिया असून हा व्यक्ती कोण आहे. असा प्रश्न देखील त्यांनी उपस्थित केला होता. परंतु या त्यांच्या टीकेला प्रत्युत्तर म्हणून चोराच्या उल्ट्या बोंबा का असतात बुवा ? असं ट्विट अमृता फडणवीस यांनी केलंय.
चोराच्या उल्ट्या बोंबा का असतात बुवा ?
कारण *विनाशकाले विपरीत बुद्धी* असते !— AMRUTA FADNAVIS (@fadnavis_amruta) November 1, 2021