राज्यात कोरोनाचा आकडा जीवघेणा ठरत असून आतापर्यंत राज्यात १० जणांच्या मृत्युंची नोंद करण्यात आली आहे. तर, सोमवारी आणखी कोरोनाच्या १७ रुग्णांची नोंद झाली आहे. त्यामुळे राज्यातील एकूण कोरोना बाधित रुग्णांची संख्या २२० झाली आहे. या नवीन रुग्णांमध्ये ८ रुग्ण मुंबईचे आहेत, तर ५ रुग्ण पुण्याचे, २ नागपूरचे, तर नाशिक आणि कोल्हापूर येथील प्रत्येकी १ रुग्ण आहे. याशिवाय मुंबई येथील आणखी काही रुग्णांचे अहवाल अप्राप्त असल्याने त्यांचा समावेश आजच्या अहवालात करण्यात आलेला नाही.
दिवसभरात दोघांचा मृत्यू
दरम्यान, राज्यात २ कोरोना बाधित रुग्णांचे मृत्यू झाले आहेत. एका ८० वर्षीय पुरुषाचा मुंबईतील खासगी हाॅस्पिटलमध्ये मृत्यू झाला. त्यांना उच्च रक्तदाब आणि हृदयरोग हे इतर आजारही होते. तर कोरोना बाधित असलेल्या ५२ वर्षीय पुरुषाचा पुण्यातील खासगी रुग्णालयात मृत्यू झाला. त्यांना मधुमेह आणि उच्च रक्तदाबाचा त्रास होता. राज्यातील कोरोना बाधित मृत्यूची संख्या आता १० झाली आहे.
तसेच, आतापर्यंत ३९ कोरोना बाधित रुग्ण बरे होऊन घरी परतल्याची माहिती देण्यात आली आहे. राज्यात आज एकूण ३२८ जण विविध रुग्णालयात भरती झाले आहेत. १८ जानेवारीपासून ताप, सर्दी, खोकला अशी लक्षणे आढळल्याने राज्यातील वेगवेगळ्या विलगीकरण कक्षात आजपर्यंत ४५३८ जणांना भरती करण्यात आले आहे. आतापर्यंत भरती करण्यात आलेल्यांपैकी ३८७६ जणांचे प्रयोगशाळा नमुने कोरोनाकरता निगेटिव्ह आले आहेत. तर २२० जण पॉझिटिव्ह आले आहेत. आतापर्यंत ३९ करोना बाधित रुग्णांना ते बरे झाल्यानंतर रुग्णालयातून घरी सोडण्यात आले आहे. सध्या राज्यात १९ हजार १६१ व्यक्ती घरगुती अलगीकरणात असून १२२४ जण संस्थात्मक क्वारंटाईन मध्ये आहेत.
जिल्हा/मनपा बाधित रुग्ण मृत्यू
मुंबई ९२ ७
पुणे (शहर व ग्रामीण भाग) ४३ १
सांगली २५ ०
मुंबई वगळून ठाणे
मंडळातील इतर मनपा २३ १
नागपूर १६ ०
यवतमाळ ४ ०
अहमदनगर ५ ०
सातारा, कोल्हापूर २ ०
औरंगाबाद, रत्नागिरी,
सिंधुदुर्ग, गोंदिया, जळगाव,
बुलढाणा, नाशिक प्रत्येकी १ १ (बुलढाणा)
इतर राज्य
गुजरात १ ०
एकूण २२० १०
