कारगिल विजय दिनानिमित्त शुक्रवारी रायगड जिल्हा प्रशासनातर्फे कारगिल युद्धात शहीद झालेले तालुक्यातील सहाणगोठी येथील नीलेश तुणतुणे यांना अभिवादन करण्यात आले. गावाच्या वेशीवर असलेल्या शहीद तुणतुणे यांच्या पुतळ्याला पुष्पहार व पुष्पचक्र अर्पण करण्यात आले. यावेळी प्रांताधिकारी शारदा पोवार, तहसीलदार सचिन शेजाळ, तुणतुणे यांचे कुटुंबीय, ग्रामस्थ उपस्थित होते.
अलिबाग येथील महेश चित्रमंदिर येथे ‘उरी द सर्जिकल स्ट्राइक’ या चित्रपटाचा खेळ आयोजित करण्यात आला होता. शाळकरी व महाविद्यालयीन विद्यार्थ्यांनी हा चित्रपट पाहण्यासाठी गर्दी केली होती. यावेळी शहिदांना श्रद्धांजली अर्पण करण्यात आली. दरम्यान, नागोठणे व खालापूर येथे उरी चित्रपट विद्यार्थ्यांना मोफत दाखविण्यात येऊन शहिदांना श्रद्धांजली वाहण्यात आली. यावेळी शासकीय अधिकारी उपस्थित होते.
