राज्यात कोरोना संकट गडद होत असल्याने यंदाचा गुढीपाडवा सण साजरा करण्यावर मर्यादा आल्या. शासनाकडूनही हा सण घरात सुरक्षित राहून साजरा करण्याचे आवाहन करण्यात आले. दरम्यान अनेक जण घरात राहून गुढीपाडवा सणाचा आनंद घेताना दिसतायतं. या अनेक राजकीय नेते, मंत्री गुढी पाडवा, नववर्ष प्रारंभाच्या नागरिकांना शुभेच्छा देत आहेत. राज्याचे मुख्यमंत्री उद्धव ठाकरे, उपमुख्यमंत्री अजित पवार यांच्यासह विरोधी पक्ष नेते देवेंद्र फडणवीस अशा अनेकांनी सोशल मीडियाच्या माध्यमातून शुभेच्छांचा वर्षाव केला आहे.
कोरोनावर मात करून आरोग्याची गुढी उभारूया – मुख्यमंत्री उद्धव ठाकरे
कोरोना विषाणूवर मात हिच आता आरोग्याची गुढी असेल. त्यासाठी सर्वांनीच एकमेकांची काळजी घ्यावी. कोरोनाला रोखण्यासाठी गर्दी टाळणे, मास्कचा वापर आणि वारंवार हात धुणे ही त्रिसुत्री पाळावी असे आवाहन करतानाच मुख्यमंत्री उद्धव ठाकरे यांनी मंगळवारी (दि.१३) साजरा होणाऱ्या गुढी पाडव्याच्या आणि नववर्ष प्रारंभाच्या शुभेच्छा दिल्या आहेत. शुभेच्छा संदेशात मुख्यमंत्री म्हणतात.
कोरोना विषाणूवर मात हीच आरोग्याची गुढी! गर्दी टाळणे,मास्कचा वापर व वारंवार हात धुणे ही त्रिसुत्री पाळा, असे आवाहन मुख्यमंत्री उद्धव बाळासाहेब ठाकरे यांनी गुढी पाडवा आणि नववर्षाच्या शुभेच्छा देताना केले आहे. हे नववर्ष आपल्या सर्वांसाठी आरोग्य, सुख-समृद्धी, भरभराट घेऊन येवो.
— CMO Maharashtra (@CMOMaharashtra) April 13, 2021
यशाच्या उंच गुढ्यांमध्ये एक गुढी ‘कोरोनामुक्ती’च्या विजयाची – उपमुख्यमंत्री अजित पवार
वसंतऋतुच्या आगमनासोबत सुरु होणारं मराठी नववर्ष आणि त्यानिमित्ताने साजरा होणारा गुढीपाडव्याचा सण सर्वांच्या जीवनात सुख, समृद्धी, आनंद, उत्तम आरोग्य घेऊन येवो. मनातील नवनिर्मितीच्या कल्पनांना चैत्रपालवीची संजीवनी मिळो. जीवनात यशाच्या उंच गुढ्या उभारण्याची स्वप्ने पूर्ण होवोत. यशाच्या त्या उंच गुढ्यांमध्ये एक गुढी ‘कोरोनामुक्ती’च्या विजयाचीही असो अशा शब्दात उपमुख्यमंत्री अजित पवार यांनी राज्यातील जनतेला गुढीपाडवा आणि मराठी नववर्षाच्या शुभेच्छा दिल्या आहेत.
वसंतऋतुच्या आगमनासोबत सुरु होणारं मराठी नववर्ष आणि ‘गुढीपाडवा’च्या मनःपूर्वक शुभेच्छा! हा सण सर्वांच्या जीवनात सुख,समृद्धी,उत्तम आरोग्य घेऊन येवो. जीवनात यशाच्या उंच गुढ्या उभारण्याची स्वप्ने पूर्ण होवोत. त्या उंच गुढ्यांमध्ये एक गुढी ‘कोरोनामुक्ती’च्या विजयाचीही असो, ही सदिच्छा! pic.twitter.com/RW5RpD5sYZ
— Ajit Pawar (@AjitPawarSpeaks) April 13, 2021
राज्याचे माजी मुख्यमंत्री, विरोधी पक्षनेते देवेंद्र फडणवीस यांनी राज्यातील नागरिकांना गुढीपाडव्याच्या शुभेच्चा दिल्या आहेत.
नवसंकल्पाचा दिवस!
नवारंभाचा सुदिन!!
गुढीपाडव्याच्या, मराठी नववर्षाच्या मनापासून हार्दिक शुभेच्छा!#GudiPadwa #gudipadwa2021 #गुढीपाडवा pic.twitter.com/eZCC27s07i— Devendra Fadnavis (@Dev_Fadnavis) April 13, 2021
महाराष्ट्र नवनिर्माण सेनेचे अध्यक्ष राज ठाकरे यांनीही तमाम हिंदू बांधवांना गुढीपाडवा आणि नववर्षाच्या शुभेच्छा दिल्या आहेत.
#गुढीपाडवा pic.twitter.com/j032HhMjMq
— Raj Thackeray (@RajThackeray) April 13, 2021
राज्याचे महसुल मंत्री बाळासाहेब थोरात यांनी कोरोना नियमांचे पालन करत गुढीपाडवा साजरा करा असे आवाहन केले व पाडव्याच्या शुभेच्छा दिल्या.
गुढी पाडवा व येणारे नव वर्ष आपल्या आयुष्यात सुख, समृद्धी घेऊन येवो व आपणांस उत्तम आरोग्य लाभो या शुभेच्छा!
कोरोना प्रतिबंधासाठी सरकारने घालून दिलेल्या नियमांचे पालन करून स्व:तचे, कुटुंबांचे, समाजाचे व राज्याचे कोरोना पासून रक्षण करण्याच्या संकल्पाची गु़ढी उभारूया!#गुढीपाडवा2021 pic.twitter.com/lY6nbvfZEb— Balasaheb Thorat (@bb_thorat) April 13, 2021
कॅबिनेट मंत्री जितेंद्र आव्हाडांकडून गुढीपाडव्याच्या शुभेच्छा
हे नववर्ष आपल्या जीवनात उत्तम आरोग्य,धनसंपदा आणि मनःशांती आणि या सदिच्छेसहीत आपणांस आणि आपल्या परिवारास गुढीपाडव्याच्या मनःपूर्वक शुभेच्छा..! pic.twitter.com/MJdsfuR9He
— Dr.Jitendra Awhad (@Awhadspeaks) April 13, 2021
राष्ट्रवादी काँग्रेसचे नेते आणि कॅबिनेट मंत्री नवाब मलिक यांनीही गुढीपाडला व मराठी नववर्षाच्या सर्वांना हार्दिक शुभेच्छा दिल्या आहेत.
गुढीपाडवा व मराठी नववर्षाच्या सर्वांना हार्दिक शुभेच्छा!#गुढीपाडवा#GudiPadwa pic.twitter.com/Cs8CIvU9GS
— Nawab Malik نواب ملک नवाब मलिक (@nawabmalikncp) April 13, 2021
सर्वांना हिंदू नव वर्षाच्या खूप खूप शुभेच्छा- विधानसभा विरोधी पक्षनेते प्रविण दरेकर
नव वर्षाची नवी पहाट नवा आरंभ, नवा विश्वास दुःखावर मात करून, सुखाची सुरुवात!
सर्वांना हिंदू नव वर्षाच्या खूप खूप शुभेच्छा!#GudiPadwa pic.twitter.com/x2StxD7OAr— Pravin Darekar – प्रविण दरेकर (@mipravindarekar) April 13, 2021
गुढी उभारा दृढ निश्चयाची, स्वतःच्या व कुटुंबाच्या आरोग्य रक्षणाची- मदत व पुर्नवसन मंत्री विजय वड्डेटीवार
गुढीपाडवा व नववर्षाच्या मनःपूर्वक शुभेच्छा .
गुढी उभारा दृढ निश्चयाची
स्वतःच्या व कुटुंबाच्या आरोग्य रक्षणाची . #गुढीपाडवा #gudipadva pic.twitter.com/wabqk1Yi0W— Vijay Wadettiwar (@VijayWadettiwar) April 13, 2021