दिलासादायक! राज्यातील रिकव्हरी रेटमध्ये वाढ, १० लाखांहून अधिक रुग्ण कोरोनामुक्त!

राज्यात गेल्या काही दिवसांपासून कोरोना रुग्णांचा रिकव्हरी रेट वाढताना दिसत आहेत. रविवारी राज्यातील कोरोना रुग्णांचा रिकव्हरी ७६.११ टक्के एवढा होता. आज राज्यातील रिकव्हरी वाढला असून तो ७७.७१ टक्क्यांवर पोहोचला आहे. गेल्या २४ तासांत राज्यात ११ हजार ९२१ नवे कोरोनाबाधित रुग्ण आढळले असून १८० रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांचा आकडा १३ लाख ५१ हजार १५३वर पोहोचला आहे. यापैकी आतापर्यंत ३५ हजार ७५१ जणांचा मृत्यू झाला आहे. तर राज्यात २४ तासांत १९ हजार ९३२ रुग्ण बरे होऊन घरी गेले असून आतापर्यंत एकूण राज्यातील १० लाख ४९ हजार ९४७ रुग्ण कोरोनामुक्त झाले आहेत.

Maharashtra reports 11,921 new #COVID19 cases, 180 deaths and 19,932 discharges today. Total cases in the state rise to 13,51,153, including 35,751 deaths and 10,49,947 discharges. Active cases stand at 2,65,033: Public Health Departent, Maharashtra pic.twitter.com/KZXOsm9FE2

— ANI (@ANI) September 28, 2020

सध्या राज्यातील मृत्यूदर २.६५ टक्के एवढा आहे. आजपर्यंत तपासण्यात आलेल्या ६६ लाख २२ हजार ३८४ प्रयोगशाळा नमुन्यांपैकी १३ लाख ५१ हजार १५३ (२०.४०टक्के) नमुने पॉझिटिव्ह आले आहेत. सध्या राज्यात १९ लाख ७५ हजार ९२३ व्यक्ती होम क्वारंटाईनमध्ये आहेत तर २९ हजार ९२२ व्यक्ती संस्थात्मक क्वारंटाईनमध्ये आहेत. तसेच राज्यात सध्या एकूण २ लाख ६५ हजार ३३ रुग्णांवर उपचार सुरू आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे..