वैद्यकीय उपचारात निष्काळजीपणा केल्याप्रकरणी ग्राहक न्यायलयाने शालिमार येथील संदर्भ सेवा रुग्णालयाला १२ लाख रुपयांचा दंड सुनावला आहे. या घटनेमुळे खळबळ उडाली आहे.
वैद्यकीय अधिकार्‍याच्या निष्काळजीपणामुळे ९ मे २०१२ रोजी विश्वास बल्लाल (वय ६९) उपचारादरम्यान मृत्यू झाला. याप्रकरणी रुग्णाचे नातेवाईक औरंगाबाद येथील मीना विश्वास बल्लाल व अमोल विश्वास बल्लाल यांनी ग्राहक न्यायालयात दाव दाखल केला होता. यात नुकसान भरपाई म्हणून २५ लाख रूपयांची मागणी मीना बल्लाल व अमोल बल्लाल यांनी केली होती. या खटल्यात संदर्भ सेवा रूग्णालय, डॉ. हिरण, महाराष्ट्र शासन व भल्ला यांचा दुसरा मुलगा अमित भल्ला यांना प्रतिवादी करण्यात आले होते. खटल्याचे कामकाज राज्य ग्राहक न्यायालाचे पी. बी. जोशी व एस. के. काकड यांच्या न्यायालयात चालले. बल्लाल यांचा दावा मान्य करत ग्राहक न्यायालयाने संदर्भ सेवा रूग्णालय व शासनाने बल्लाल यांच्या कुटुंबियांना १० लाख व खटल्याचा खर्च व मानसिक त्रास यासाठी २ लाख असे १२ लाख रूपये देण्याचा आदेश दिला आहे.
