पंढरपूर – अटलबिहारी वाजपेयी, लालकृष्ण अडवाणी यांचा पराभव झाला असला तरी पंतप्रधान नरेंद्र मोदी कधीच पराभूत होऊ शकत नाहीत, कारण ते देशातील लोकांचा आत्मा आहेत असे राजकीय भाकीत मंत्री सुरेश खाडे यांनी केल. ते पंढरपूर येथे बोलत होते. यावेळी त्यांनी राष्ट्रवादीचे अध्यक्ष शरद पवार आणि त्यांच्या कुटुंबीयांना राज्यातील बारामती विभागातून पराभूत करणे अशक्य असल्याच्या जयंत पाटील यांच्या दाव्याला उत्तर दिले.
पंढरपूर येथे पत्रकारांशी बोलताना पाटील यांच्या वक्तव्याला उत्तर देताना खाडे म्हणाले, पंतप्रधान मोदी हे देशाचा आत्मा आहेत. ते कधीच पराभूत होऊ शकत नाहीत. (माजी पंतप्रधान) अटलबिहारी वाजपेयी आणि इंदिरा गांधी यांना त्यांच्या काळात निवडणुकीत पराभवाला सामोरे जावे लागले होते, पण मोदींचा कधीही पराभव होणार नाही, असे मंत्री सुरेश खाडे म्हणाले.
इंदिरा आणि वाजपेयीही निवडणुका हरले –
भाजपचे ज्येष्ठ नेते लालकृष्ण अडवाणी यांचाही निवडणुकीत पराभव झाल्याचे त्यांनी पुढे म्हटले आहे. अडवाणींनी 1977 ते 2014 या काळात प्रत्येक लोकसभा निवडणूक जिंकली होती, पण 2019 ची निवडणूक लढवली नव्हती. विशेष म्हणजे 1977 च्या लोकसभा निवडणुकीत इंदिरा गांधींचा पराभव झाला होता. त्याच वेळी, अटलबिहारी वाजपेयी 1955 मध्ये पोटनिवडणूक हरले तसेच 1957 मध्ये दोनपैकी एक जागा गमावली. त्यानंतर 1962 आणि 1984 च्या निवडणुकीत त्यांचा पुन्हा पराभव झाला.
