राज्यपाल, मुख्यमंत्री, उपमुख्यमंत्री चैत्यभूमीवर…

चैत्यभूमी येथे राज्यघटनेचे शिल्पकार महामानव डॉ.बाबासाहेब आंबेडकर यांच्या 66 व्या महापरिनर्वाण दिनी आज राज्यपाल भगतसिंग कोश्यारी,मुख्यमंत्री एकनाथ शिंदे,उपमुख्यमंत्री देवेंद्र फडणवीस यांनी पुष्पचक्र अर्पण करून डॉ. बाबसाहेब आंबेडकर यांना अभिवादन केले. मुंबई महापालिकेतर्फे आयोजित डॉ. बाबासाहेब आंबेडकर यांच्या जीवनावरील आधारित छायाचित्र प्रदर्शनास यावेळी मान्यवरांनी भेट  दिली. तसेच मान्यवरांनी भिमज्योती चे दर्शन घेतले.