गणपतीची विधीवत पूजा-आराधना केल्यास नक्कीच ते आपल्यावर प्रसन्न होतात. बाप्पाला प्रसन्न करण्यासाठी त्यांना त्यांच्या आवडत्या वस्तू अर्पण करा.
गणपतीला बुद्धि, सुख आणि समृद्धी प्रदान करणारी देवता म्हणून ओळखले जाते. हिंदू धर्मात भाद्रपद महिन्याच्या शुक्ल पक्षातील चतुर्थी तिथीला गणेश चतुर्थी साजरी केली जाते. या दिवशी देशभरात प्रामुख्याने महाराष्ट्रात मोठ्या प्रमाणात गणेशोत्सव साजरा केला जातो. घरोघरी तसेच सार्वजनिक मंडळांमध्ये गणेश मूर्तींची स्थापना केली जाते. संपूर्ण राज्यभरात 10 दिवस गणेशोत्सवाचा जल्लोस असतो. प्रत्येक ठिकाणी गणपतीची पूजा-आराधना केली जाते. सगळीकडे उत्साह आणि चैतन्याचं वातावरण असतं. या वर्षी 31 ऑगस्ट रोजी गणेश चतुर्थी साजरी केली जाणार आहे.
गणपतीची विधीवत पूजा-आराधना केल्यास नक्कीच ते आपल्यावर प्रसन्न होतात. बाप्पाला प्रसन्न करण्यासाठी त्यांना त्यांच्या आवडत्या वस्तू अर्पण करा.
- Advertisement -
बाप्पाला ‘या’ 5 गोष्टी आहेत अतिशय प्रिय
गणपती बाप्पाला मोदक खूप प्रिय आहेत, हे आपल्या सर्वांनाच ठाऊक आहे. त्यामुळे गणपती बाप्पाला मोदकाचा नैवेद्य अर्पण केल्यास ते नेहमी आपल्यावर प्रसन्न असतात. गणपतीला 21 किंवा 11 मोदकांचा नैवेद्य अर्पण करणं अत्यंत शुभ मानलं जातं.
पौराणिक काळापासून गणपती बाप्पाला दुर्वा अर्पण केली जाते. गणपती बाप्पाला 21 दुर्वा अर्पण करणं अत्यंत शुभ मानले जाते.
गणपती बाप्पाला लाल रंगाचे जास्वंदाचे फुल देखील अत्यंत प्रिय आहे. त्यामुळे बाप्पाला प्रसन्न करण्यासाठी तुम्ही त्यांना जास्वंदीचे फुल देखील अर्पण करू शकता.
गणपती बाप्पाला अक्षता देखील खूप प्रिय आहेत. त्यांच्या पूजेत अक्षतांचा वापर केल्यास त्यांचे शुभ फळ तुम्हाला नक्की प्राप्त होईल.
असं म्हणतात की, जर बाप्पाला दररोज अष्टगंध अर्पण केल्यास त्या व्यक्तिला शांती आणि समृद्धी मिळते. तसेच घरामध्ये सुख, समाधान प्राप्त होते. घरातील आर्थिक परिस्थिती देखील सुधारते.
