मुंबई : लोकशाहीचा सर्वात मोठा उत्सव असणाऱ्या लोकसभा निवडणुकांचे बिगूल शनिवारी (16 मार्च) वाजले आणि देशभरात आचारसंहिता लागू झाली. महाराष्ट्रात 5 टप्प्यांमध्ये लोकसभेच्या निवडणुका होणार असून याचपार्श्वभूमीवर आज इंडिया आघाडीकडून प्रचाराचा नारळ फोडण्यात आला. मुंबई येथील शिवाजी पार्क मैदानावर इंडिया आघाडीचे दिग्गज नेते उपस्थित होते. (PHOTO As soon as the election was announced, the India Aghadi broke a campaign coconut on Shivtirtha)
लोकसभा निवडणुकीच्या घोषणा होताच आज दुसऱ्याच दिवशी इंडिया आघाडीच्यावतीने शिवाजी पार्क मैदानावर सभेचे आयोजन करण्यात आले होते.
इंडिया आघाडीच्या सभेला राष्ट्रावादी काँग्रेस शरदचंद्र पवार पक्षाचे अध्यक्ष शरद पवार उपस्थित होते. यावेळी काँग्रेस नेते राहुल गांधी यांनी शरद पवारांसोबत हस्तांलोदन केले.
काँग्रेस नेते राहुल गांधी यांनी पीडीपी पक्षाच्या नेत्या मेहबूबा मुफ्ती यांची भेट घेत हस्तांलोदन केले.
इंडिया आघाडीच्या मंच्यावर तामिळनाडूतील द्रविड पक्षाचे अध्यक्ष आणि मुख्यमंत्री एम के स्टॅलिन हेही उपस्थित होते. यावेळी त्यांच्या बाजूला काँग्रेस नेते राहुल गांधी आणि ठाकरे गटाचे प्रमुख उद्धव ठाकरे हे एकमेकांसोबत चर्चा करताना दिसत आहेत.
बिहारचे माजी उपमुख्यमंत्री तेजस्वी यादव आणि जम्मू काश्मिरचे माजी मुख्यमंत्री फारुख अब्दुल्ला यांच्यासह इंडिया आघाडीतील इतर नेते उपस्थित होते.
निवडणुकीच्या घोषणेनंतर इंडिया आघाडीची पहिलीच सभा शिवाजी पार्कवर होत असल्याने मोठ्या प्रमाणावर गर्दी झाल्याचे पाहायला मिळाले.
