इंडोनेशियाच्या ग्रेसिया पॉली आणि अप्रियानी राहायु या जोडीने टोकियो ऑलिम्पिकमध्ये सोमवारी ऐतिहासिक कामगिरी केली. या जोडीने बॅडमिंटन महिला दुहेरीत चीनच्या वर्चस्वाला शह दिला. पॉली आणि राहायुने अंतिम सामन्यात चीनच्या चेन क्विंगचेन आणि जिया यिफान या जोडीवर २१-१९, २१-१५ अशी सरळ गेममध्ये मात केली. बॅडमिंटन महिला दुहेरीत सुवर्णपदक जिंकण्याची ही इंडोनेशियन जोडीची पहिलीच वेळ ठरली. १९९२ सालापासून ऑलिम्पिकमध्ये बॅडमिंटनचा महिला दुहेरी हा प्रकार खेळला जात आहे. चीनने या प्रकारात केवळ दोन ऑलिम्पिकचा अपवाद वगळता सर्वच ऑलिम्पिक स्पर्धांमध्ये सुवर्णपदक जिंकले आहे. यंदा मात्र इंडोनेशियन जोडीने उत्कृष्ट कामगिरी केली.
A historical win!
Greysia Polii and Apriyani Rahayu secure #INA‘s first ever #Badminton women’s doubles Olympic gold – and the nation’s first of #Tokyo2020.@bwfmedia @nocindonesia1 pic.twitter.com/F0HDisviLI
— Olympics (@Olympics) August 2, 2021
किम सो-येओन्ग व काँग ही-याँगला कांस्य
पॉली आणि राहायुने महिला दुहेरीचा अंतिम सामना सलग दोन गेममध्ये जिंकला. २०१६ रिओ ऑलिम्पिकनंतर पॉली निवृत्तीचा विचार करत होती. मात्र, तिने बराच विचार केल्यानंतर तिच्यापेक्षा १० वर्षाने लहान असणाऱ्या राहायुसोबत खेळत राहण्याचा निर्णय घेतला. महिला दुहेरीत कांस्यपदकासाठीचा सामना किम सो-येओन्ग व काँग ही-याँग आणि ली सो-ही व शिन सेउन्ग-चॅन या दक्षिण कोरियाच्या जोड्यांमध्ये झाला. या सामन्यात किम सो-येओन्ग व काँग ही-याँग या जोडीने २१-१०, २१-१७ अशी बाजी मारत कांस्यपदक जिंकले.