भारताची स्टार बॅडमिंटनपटू पी. व्ही. सिंधूने जागतिक क्रमवारीत अव्वल स्थानी असलेल्या ताई झु यिंगचा पराभव करत वर्ल्ड टूर फायनल्समध्ये सलग दुसरा विजय मिळवला आहे. सिंधूने यिंगचा १४-२१, २१-१६, २१-१८ असा पराभव केला. हा तिचा या स्पर्धेतील सलग दुसरा विजय आहे. याआधी स्पर्धेच्या सलामीच्या सामन्यात सिंधूने जागतिक क्रमवारीत दुसऱ्या स्थानी असलेल्या अकाने यामागूचीचा २४-२२, २१-१५ असा पराभव केला होता. या दोन विजयांमुळे सिंधू वर्ल्ड टूर फायनल्सच्या उपांत्य फेरीत प्रवेश करण्याची शक्यता आहे.
Taizu Puzzle decoded!
Dominating show by #PVSindhu at the #WorldTourFinals. World No1 #TaiTzuYing loses to #Sindhu for the first time in two years. First game down, Sindhu made a strong come back, 14-21, 21-16,21-18 to win the match. Well done girl, keep marching. ??? pic.twitter.com/GniLmp1qEE— BAI Media (@BAI_Media) December 13, 2018
पहिला सेट गमावूनही सामन्यात विजयी
या सामन्याची सुरुवात सिंधूसाठी चांगली झाली नाही. त्यामुळे पहिल्या सेटच्या मध्यंतराला ती ११-७ अशी मागे पडली. यानंतर तिने पुनरागमन करण्याचा प्रयत्न केला, पण त्यात ती अपयशी ठरली. त्यामुळे तिने हा पहिला सेट १४-२१ असा गमावला. पण दुसऱ्या सेटमध्ये तिने दमदार पुनरागमन केले. त्यामुळे तिने दुसऱ्या सेटच्या मध्यंतराला ११-६ अशी आघाडी मिळवली. तर पुढेही तिने आपला चांगला खेळ सुरु ठेवत हा सेट २१-१६ असा जिंकला. तर तिसरा सेट अधिकच चुरशीचा झाला. मध्यंतरापर्यंत सिंधूला चांगला खेळ करता आला नाही. त्यामुळे ती मध्यंतराला ११-६ अशी मागे पडली होती. पण यानंतर तिने आपला खेळ उंचावत हा सेट २१-१८ असा जिंकत सामनाही जिंकला.