भारत सरकारने वापरकर्त्यांच्या डेटाची गोपनीयता लक्षात घेऊन एकूण ५९ चिनी Apps वर बंदी घातली आहे. असे बरेच Apps आहेत जे वापरकर्ते त्यांचे काम सुलभ करण्यासाठी वापरतात. यात लोकप्रिय App SHAREit चा समावेश आहे ज्याचा उपयोग वापरकर्ते फाईल आणि फोटो एकमेकांना पाठवण्यासाठी करतात. मात्र, SHAREit वर बंदी घातल्यामुळे फाइल, फोटो आणि अन्य डेटा एकमेकांना कसा पाठवायचा असा प्रश्न सर्वांना पडला आहे. पण काळजी करण्याची गरज नाही कारण बाजारात SHAREit चा पर्याय म्हणून काही Apps उपलब्ध आहेत आणि आम्ही त्या Apps बद्दल माहिती देणार आहोत.
१) फाईल्स बाय गुगल (Files by Google)
फाईल्स आणि डेटा एकमेकांना पाठवण्यासाठी फाईल्स बाय गुगल (Files by Google) हे App देखील चांगले आहे. त्याच्या मदतीने वापरकर्ते सहजपणे फायली एकमेकांना पाठवू शकतात. गूगल प्ले स्टोअरवर विनामूल्य डाऊनलोड करता येणार असून यात युझर्सला बरीच खास वैशिष्ट्येही मिळतील. फाईल्स बाय गुगल (Files by Google) App मध्ये वापरकर्ते 480Mb पर्यंत फाईल्स ट्रान्सफर करू शकतात. यामध्ये फायली, कागदपत्रे आणि इतर Apps ही फाईलसह ट्रान्सफर करता येतील. इतकेच नाही तर हे App वापरुन वापरकर्ते त्यांच्या फोनचा स्टोरेजही व्यवस्थापित करू शकतात.
२) जिओ स्विच (Jio switch)
चीनी App SHAREit ला पर्याय म्हणून भारतीय App जिओ स्विचचा (Jio switch) वापर केला जाऊ शकतो. या App मध्ये, वापरकर्ते क्रॉस प्लॅटफॉर्मवर सहजपणे फोटो, व्हिडिओ, दस्तऐवज इत्यादी डेटा हस्तांतरित करू शकतात. अॅप Android आणि iOS दोन्ही प्लॅटफॉर्मवर उपलब्ध आहे. विशेष बाब म्हणजे फाईल ट्रान्सफर, फाईल साईज किंवा फाईल प्रकाराला मर्यादा नाही.
३) सेंड एनिवेअर (send anywehere)
या Appच्या नावावरून हे स्पष्ट झाले आहे की, याचा वापर करून, वापरकर्ते कोठेही फाईल्स ट्रान्सफर करू शकतात. हा SHAREit ला एक चांगला पर्याय होऊ शकतो. पाठविलेल्या कुठल्याही अॅपमध्ये वापरकर्ते मूळ फाईल न बदलता ट्रांसफर करू शकतात. एका फोनवरून दुसर्‍या फोनवर डेटा ट्रान्सफर करण्यासाठी तुम्हाला वाय-फाय ची आवश्यकता असेल.
४) एमएक्स शेअर करो (MX ShareKaro)
चीनी App SHAREit ला पर्याय म्हणून एमएक्स शेअर करो (MX ShareKaro) या App चा वापर करु शकतात.
