दक्षिण कोरियाचे राष्ट्रपती मून-जे-इन सध्या भारत भेटीवर आहेत. त्याचे कारणही विशेष आहे. नोएडामध्ये आज सॅमसंगच्या नव्या फॅक्टरीचे उद्घाटन होणार आहे. पंतप्रधान नरेंद्र मोदी आणि दक्षिण कोरियाचे राष्ट्रपती मून- जे- इन यांच्या हस्ते हे उद्घाटन होणार असून त्या पूर्वी राजघाट येथील गांधी स्मृती या ठिकाणी मून- जे- इन यांनी महात्मा गांधीना अभिवादन केले आणि महात्मा गांधी यांच्या भजनात ते तल्लीन झाले. मून यांचा हा पहिलात भारत दौरा असून त्यांच्यासोबत पत्नी जुंग-सुक देखील आलया आहेत.
#WATCH PM Narendra Modi and South Korean President Moon Jae-in listen to Mahatma Gandhi’s favourite bhajans, sung by classical singer Vidya Shah at Gandhi Smriti in Delhi. pic.twitter.com/fHeAMfRYyr
— ANI (@ANI) July 9, 2018
नोएडात सॅमसंगचा नवा प्लांट
नोएडाच्या सेक्टर ८१ मध्ये सॅमसंगचा हा नवा प्लांट असून ३५ एकर जागेवर तो पसरला आहे. सध्या सॅमसंगच्या मोबाईल फोनची क्षमता वर्षाला ६.८ कोटी इतकी आहे. आता या विस्तारानंतर ती १२ कोटीच्या घरात जाईल असे म्हटले जात आहे. या उद्घाटन सोहळ्याला १०० हून अधिक व्यावसायिक येणार आहेत.
मेट्रोने केला प्रवास
पंतप्रधान नरेंद्र मोदी यांच्यासोबत त्यांनी नोएडा पर्यंतचा मेट्रो प्रवास केला. यावेळी लोकांनी त्यांना कॅमेऱ्यात कैद करतानाचा हा व्हिडिओ
#WATCH Delhi: South Korean President Moon Jae-in and PM Narendra Modi in the Metro while on their way to the Samsung plant in Noida pic.twitter.com/8FSTOK5jyg
— ANI (@ANI) July 9, 2018
दक्षिण कोरियाकडून देशाला फायदाच
दक्षिण कोरिया भारताचा सगळ्यात मोठा भागीदार असून गेल्यावर्षी १ कोटी ३६ लाख रुपयांचा व्यवसाय केला होता. मागील १० वर्षांमध्ये ४७ हजार कोटींची गुंतवणूक कोरियाने भारतात केली. येत्या काळात हा आकडा २ कोटी ५० लाखांच्या घरात पोहोचणार असल्याचे म्हटले जात आहे. ज्याचा भारताला आर्थिक फायदा होणार आहे.
