काही महिन्यांपूर्वी करोनाचा हॉटस्पॉट बनलेल्या धारावीसाठी शुक्रवारचा दिवस ‘शून्य कोरोना दिवस’ ठरला आहे. धारावीत शुक्रवारी करोनाचा नवा एकही रुग्ण आढळला नाही.
मुंबईत कोरोनाचा पहिला रुग्ण आढळल्यानंतर २० दिवसांनी १ एप्रिल रोजी धारावीत कोरोनाने शिरकाव केला होता. त्यानंतर धारावी झोपडपट्टीत वेगाने कोरोनाची साथ फैलावली होती. धारावीत आतापर्यंत ३ हजार ४६४ रुग्णांनी कोरोनावर मात केली असून आता फक्त १२ अ‍ॅक्टिव्ह रुग्ण उरले आहेत व त्यांच्यावर विविध रुग्णालयांत उपचार सुरू आहेत. धारावी लगतच्या माहीम आणि दादर भागातही गेल्या काही दिवसांपासून कोरोना रुग्णसंख्येत मोठी घट पाहायला मिळत आहे.
