अभिनेत्री उर्मिला मातोंडकर हिला काँग्रेसने उमेदवारी दिल्यानंतर खऱ्या अर्थाने चर्चेत आलेला उत्तर मुंबई मतदारसंघ आता पुन्हा एकदा चर्चेत आला आहे. त्याचे कारण म्हणजे राज्यातील किन्नर मतदारापैकी सर्वाधिक मतदान हे उत्तर मुंबई मतदार संघात झाले आहे. उत्तर मुंबईत मतदारसंघात ३३२ किन्नर मतदारापैकी १६७ किन्नर मतदारांनी मतदानाचा अधिकार बजावला आहे. तर दक्षिण-मध्य मुंबईमध्ये ९१ पैकी ३२, दक्षिण मुंबई मतदारसंघात २३ पैकी ५ उत्तर-पश्चिम मुंबई १८ पैकी ४, उत्तर-पूर्व मुंबई १४० पैकी ३९, तर उत्तर-मध्य मुंबई मतदारसंघात २२ पैकी ५ किन्नर मतदारानी मतदानाचा हक्क बजावला. सगळ्यात महत्वाचे म्हणजे यंदा मुंबईमध्ये दोन किन्नर उमेदवार देखील निवडणुकीच्या रिंगणात उभा होते.
दरम्यान, राज्यामध्ये २०१४ च्या तुलनेत २०१९ च्या लोकसभा निवडणुकीमध्ये किन्नर मतदारांची संख्या वाढली आहे. राज्यातील ४८ जागासाठी मतदान नुकतेच पार पडले. यंदा २ हजार ४०६ किन्नर मतदारांपैकी ६०३ किन्नर मतदारांनी मतदानाचा हक्क बजावला. म्हणजेच संपूर्ण राज्यात २५.०६ टक्के किन्नर मतदारांनी मतदानाचा हक्क बजावल्याची माहिती निवडणूक आयोगाच्या अधिकार्यांनी आपलं महानगरशी बोलताना दिली. सगळ्यात महत्वाची बाब म्हणजे २०१४ साली ८५६ किन्नर मतदारापैकी २४७ जणांनी आपला मतदानाचा हक्क बजावला होता.
मतदारसंघ एकूण मतदार एकूण मतदान
कल्याण २७३ ७२
नंदुरबार २२ ३
धुळे २१ ७
जळगाव ६४ १३
रावेर २९ १
बुलढाणा ८ १
अकोला ४८ ७
अमरावती ३७ ७
वर्धा १८ ६
रामटेक ३२ २
नागपुर ७७ ११
गडचिरोली-चिमूर ३ १
चंद्रपुर २५ ५
यवतमाळ-वसीम ३३ २
हिंगोली १३ १
नांदेड ६३ १२
जालना ८ १
औरंगाबाद २५ ५
दिंडोरी ११ ३
नाशिक १५ ५
पालघर १११ २४
भिवंडी ११५ १६
ठाणे ६४ १६
सगळ्यात महत्वाची बाब म्हणजे २०१४ च्या तुलनेत २०१९ मध्ये किन्नर मतदार वाढले असले तरी मतदानाची टक्केवारी मात्र हवी तितकी वाढली नाही.
अशी आहे आकडेवारी
वर्ष मतदार एकूण मतदान टक्केवारी
२०१९ २४०६ ६०३ २५.०६
२०१४ ८५६ २४७ २८.५६
मला निवडणूक आयोगाने ब्रँड एमब्यासिडर बनवले होते. त्यामुळे मी बराच जणांमध्ये मतदानाची जनजागृती केली होती. ही सुरुवात आहे. येणाऱ्या निवडणुकीमध्ये किन्नर समाजाची मतदानाची आकडेवारी नक्की वाढेल.
– श्रीगौरी सावंत, समाजसेविका किन्नर समाज
