Coronavirus Update: आज राज्यात २१२७ कोरोना रुग्णांची नोंद; तर ७६ जणांचा मृत्यू

कोरोनाच्या संकटामुळे राज्यात मोठ्या प्रमाणावर रुग्णसंख्या वाढू लागली आहे. गेल्या २४ तासांमध्ये राज्यात तब्बल २१२७ नवे कोरोना रुग्ण सापडले आहेत. तर एकूण ७६ कोरोना रुग्णांचा बळी गेला आहे. त्यामुळे राज्यातल्या एकूण कोरोना रुग्णांची संख्या ३७ हजार १३६च्या घरात गेली आहे. तर मृतांचा आकडा १३२५पर्यंत गेला आहे. त्यामुळे कोरोनाचं संकट हळूहळू राज्यावर गहिरं होत चाललेलं दिसून येत आहे. या सगळ्यामध्ये दिलासादायक बाब म्हणजे गेल्या २४ तासांमध्ये एकूण १२०२ रुग्ण बरे होऊन घरी गेले आहेत. आजपर्यंतचा हा सर्वात मोठा आकडा आहे. या रुग्णांमुळे डिस्चार्ज मिळून घरी गेलेल्या रुग्णांचा आकडा ९ हजार ६३९वर गेला आहे.

कोरोना रुग्णांची सविस्तर आकडेवारी