पंजाब नॅशनल बँक घोटाळ्यातील हिरे व्यापारी आरोपी मेहुल चोक्सीच्या अडचणीत पुन्हा एकदा वाढ झाली आहे. सीबीआयने चोक्सी आणि त्याची कंपनी गितांजली जेम्सविरोधात नव्यानं गुन्हा दाखल केला आहे. इंडस्ट्रिअल फायनान्स कॉर्पोरेशन ऑफ इंडियाच्या फसवणूक प्रकरणी त्याच्यावर गुन्हा दाखल करण्यात आला आहे.
मेहुल चोक्सी आणि गितांजली जेम्सविरोधात IFCIचे एजीएम यांनी तक्रार दाखल केली होती, असं सीबीआयच्या वरिष्ठ अधिकाऱ्यांनी सांगितलं आहे. परंतु प्राथमिक चौकशीनंतर चोक्सी आणि त्याच्या कंपनीविरोधात फसवणूकीच्या उद्देशाने बनावट सही ४६८ या कलमांतर्गत गुन्हा दाखल करण्यात आला आल्याचे सीबीआयच्या वरिष्ठ अधिकाऱ्यांनी सांगितले आहे.
CBI files fresh case of cheating against Mehul Choksi
Read @ANI Story | https://t.co/jdqKBF9epf#MehulChoksi #CBI pic.twitter.com/67Bbjw83rg— ANI Digital (@ani_digital) May 2, 2022
सन २०१४ ते २०१८ या काळात चोक्सीने २५ कोटी रूपयांचं कर्ज घेतलं आहे. पण कालांतराने चोक्सीकडून कर्जाची परतफेड होत नव्हती. यामध्ये बँकेशी केलेल्या कराराचं पालन चौक्सीकडून होत नसल्याचं दिसून आल्यामुळे चोक्सीविरोधात फसवणुकीचा गुन्हा दाखल करण्यात आल्याचे तक्रारदार FCI च्या अधिकाऱ्याने सांगितले आहे.
दरम्यान, मेहुल चोक्सी रिटेल ज्वेलरी कंपनी गीतांजली ग्रुपचा मालक आहे. तसेच तो नीरव मोदीचा काकाही आहे. या दोघांवर पंजाब नॅशनल बँकेची १३,५०० कोटी रूपयांची फसवणूक केल्याचा आरोप करण्यात आला आहे. चोक्सी आणि नीरव मोदी जानेवारी २०१८ मध्ये भारतातून पळून गेले होते. फेब्रुवारीमध्ये सीबीआयने या कथित घोटाळ्याचा तपास सुरू केला होता.
