कोरोना विषाणूमुळे लॉकडाऊन अनेक देश लॉकडाऊन आहेत. मात्र, काही देशआत लॉकडाऊन शिथिल केल्यामुळे लोक चालण्यासाठी रस्त्यावर उतरले. याचा परिणाम असा झाला की रविवारी एका दिवसात भारतासह अनेक देशांमध्ये सर्वाधिक संक्रमित रुग्ण आढळले. हा चिंतेचा विषय आहे. चीननंतर जगातील सर्वाधिक लोकसंख्या असलेल्या भारतात संक्रमणाची २,६०० हून अधिक प्रकरणे समोर आली आहेत. रशियामध्ये प्रथमच नवीन प्रकरणांची संख्या १०,००० च्या पुढे गेली.
ब्रिटनमधील कोविड -१९ मुळे आपले प्राण गमावणाऱ्यांची संख्या इटलीमधील मृत्यूच्या आकड्या जवळ पोहोचत आहे. ब्रिटनची लोकसंख्या इटलीपेक्षा कमी आहे परंतु या साथीचा सामना करण्यासाठी ब्रिटनकडे अधिक वेळ होता. अमेरिकेत दररोज हजारो नवीन प्रकरणे नोंदवली जात आहेत आणि शनिवारी येथे संक्रमणामुळे १,४०० लोकांचा मृत्यू झाला. लॉकडाऊन दरम्यान तपासणीची संख्या वाढवली नाही तर संसर्ग होण्याची दुसरी फेरी येऊ शकते, असा इशारा आरोग्य तज्ज्ञांनी दिला आहे. तथापि, जगभरातील अनेक आठवडे लॉकडाऊनमुळे जागतिक अर्थव्यवस्था १९३० च्या मंदीच्या पातळीवर पोहोचली आहे, ज्यामुळे व्यवसाय पुन्हा सुरू करण्यासाठी दबाव वाढला आहे.
चीनमधील पर्यटनस्थळांवर लोकांची गर्दी
चीनमध्ये देशांतर्गत प्रवासावरील निर्बंध कमी करण्यात आल्यानंतर पर्यटनस्थळांवर पर्यटकांची गर्दी जमली. तथापि, चीनमध्ये संसर्गाची केवळ दोन नवीन प्रकरणे समोर आली आहेत. चीनी मीडियाच्या मते, निर्बंध हटवल्यानंतर पहिल्या दोन दिवसांत सुमारे १७ लाख लोक बीजिंगच्या उद्यानात दाखल झाले, तर शांघायच्या मुख्य पर्यटन केंद्रांमध्ये १० लाखाहून अधिक लोक दिसले.
हेही वाचा – भारतामध्ये मुस्लीम अस्पृश्य झाले आहेत का?; UAE च्या राजकुमारीचा संतप्त सवाल
इटलीमध्ये २४ तासांत १७४ जणांचा मृत्यू
इटलीमधील निर्बंधापासून मुक्त होण्याच्या पूर्वसंध्येला, आरोग्य मंत्रालयाने रविवारी संध्याकाळी २४ तासांत आणखी १७४ जणांच्या मृत्यूची पुष्टी केली. १० मार्चपासून लॉकडाऊन सुरू झाल्यापासून देशातील रोजची ही सर्वात कमी संख्या आहे. सोमवारपासून उद्याने आणि गार्डन्स लोकांसाठी उघडले जात आहेत.
स्पेनमध्ये प्रथमच १४ मार्चनंतर लोक घराबाहेर पडले
स्पेनमध्ये, १४ मार्च रोजी लॉकडाऊन करण्यात आलं होतं. त्यानंतर प्रथमच हरेच लोक घराबाहेर पडले. असं असलं तरी शआरीरिक अंतराचे नियम कायम ठेवण्यात आले आहेत. मास्क अनिवार्य केला आहे.
लॉकडाऊन हटवण्यासाठी ब्रिटीश पंतप्रधानांवर दबाव
ब्रिटनमध्ये पंतप्रधान बोरिस जॉनसन यांच्यावर देशातील लॉकडाऊन हटवण्यासाठी दबाव वाढत आहे. गुरुवारीपर्यंत हे निर्बंध कायम आहेत, पण कोविड-१९ मुळे दररोज शेकडो जण आपला जीव गमावत आहेत.
