नवी दिल्ली/बंगळुरु – कर्नाटक काँग्रेस (Congress) प्रदेशाध्यक्ष डी. के. शिवकुमार (D K Shivakumar) हे आज दिल्लीत पोहचणार आहेत. कर्नाटकात सत्ता स्थापनेचा आणि मुख्यमंत्री कोण होणार यावर चर्चा करण्यासाठी शिवकुमार हे मंगळवारी दिल्लीत येणार आहेत. शिवकुमार यांचे बंधू खासदार डी. के. सुरेश यांनी ही माहिती दिली आहे.
कर्नाटकमध्ये मुख्यमंत्रीपदासाठी मोठ्या प्रमाणात लॉबिंग सुरु झाले आहे. काँग्रेस नेतृत्वाने शिवकुमार आणि माजी मुख्यमंत्री सिद्धरामैय्या (Siddaramaiah) यांना सोमवारीच दिल्लीत बोलावले होते. सिद्धरामैय्या सोमवारी दुपारी दिल्लीत पोहचले. शिवकुमार यांचा सोमवारी ६०वा वाढदिवस होता. त्यातच त्यांना पोटदुखीचा त्रास सुरु झाल्यामुळे ते सोमवारी दिल्लीला जाऊ शकले नाही. सोमवारी सायंकाळी बंगळुरु ग्रामीण लोकसभा मतदारसंघातील खासदार डी.के.सुरेश म्हणाले, ‘ते उद्या दिल्लीला जाणार आहेत.’
I’ve a stomach infection and will not be travelling to Delhi today, says Karnataka Congress President DK Shivakumar.
There are 135 Congress MLAs. I don’t have any MLAs. I’ve left the decision to the party high command, he adds. pic.twitter.com/xMNVUZ2sHS
— ANI (@ANI) May 15, 2023
दिल्लीला रवाना होण्यापूर्वी डी.के. शिवकुमार म्हणाले, माझ्याकडे एकही आमदार नाही. मी बंडखोरी करत नाही, की ब्लॅकमेलिंग. माझ्यावर जे काम सोपवले गेले
Bengaluru: Ours is a united house, our number is 135. I don’t want to divide anyone here. Whether they like me or not, I am a responsible man. I will not backstab and I will not blackmail: Karnataka Congress president DK Shivakumar before leaving for Delhi pic.twitter.com/T1TQgAvaIP
— ANI (@ANI) May 16, 2023
कर्नाटक विधानसभेत २२४ पैकी १३५ जागा जिंकत काँग्रेसने जोरदार मुसंडी मारली आहे. आता काँग्रेस समोर आव्हान आहे ते मुख्यमंत्री कोणाला करायचे याचे. निवडणुकीत मोठे यश मिळाल्यानंतर मुख्यमंत्री कोण होणार, याचा पेच निर्माण झाला आहे. माजी मुख्यमंत्री सिद्धरामैय्या हे देखील उत्सूक आहेत. तर काँग्रेसला राज्यात मिळालेल्या यशात शिवकुमार यांचा सिंहाचा वाटा मानला जात आहे. सिद्धरामैय्या आणि शिवकुमार या दोन्ही नेत्यांमध्ये जोरदार रस्सीखेच सुरु आहे. काँग्रेस श्रेष्ठींनी दोन्ही गटांच्या आमदारांना सोमवारी दिल्लीत बोलावले होते. सिद्धरामैय्या पोहचले मात्र शिवकुमार आले नव्हते.
शिवकुमार यांनी निकालानंतर म्हटले होते, की कर्नाटकमध्ये काँग्रेसला मिळालेला विजय हा कर्नाटक जनतेचा विजय आहे. पक्षाने माझ्यावर सोपवलेले काम मी प्रामाणिकपणे केले आहे.
रविवारी रात्री झालेल्या विधीमंडळ पक्षाच्या बैठकीत सिद्धरामैय्या यांनी मुख्यमंत्री निवडीचे सर्वाधिकार हे पक्षाचे राष्ट्रीय अध्यक्ष मल्लिकार्जुन खर्गे यांना देण्याचा प्रस्ताव ठेवला. या प्रस्तावाला शिवकुमार यांच्यासह सर्व आमदारांनी एकमुखी संमती दिली. अशीही चर्चा आहे, की राज्य मंत्रिमंडळात दोन मुख्यमंत्री असतील.
हेही वाचा : कोण होणार कर्नाटकचा मुख्यमंत्री? सिद्धरमय्यांच्या वक्तव्याने हायकमांड चिंतेत
मुख्यमंत्रीपदाची घोषणा आज संध्याकाळपर्यंत
काँग्रेस अध्यक्ष मल्लिकार्जुन खर्गे यांच्या निवासस्थानी सोमवारी सायंकाळी बैठक झाली. कर्नाटक प्रभारी रणदीप सुरजेवाला यांनी मिटींग संपल्यानंतर माध्यमांना सांगितले की, खर्गे त्यांचा अहवाल सोनिया गांधी आणि राहुल गांधी यांच्याकडे चर्चेसाठी घेऊन जातील. वरिष्ठ नेत्यांसोबत मुख्यमंत्रीपदावर चर्चा होईल. यानंतर मंगळवारी सायंकाळपर्यंत निर्णय होण्याची शक्यता आहे.
ते म्हणाले, खर्गे हे सिद्धरामैय्या, डीके शिवकुमार आणि कर्नाटकच्या इतर नेत्यांसोबतही चर्चा करणार आहेत. त्यासाठीच पक्षश्रेष्ठींनी त्यांना दिल्लीला बोलावले आहे.
