मागील काही महिन्यांपासून सुरू असलेली कर्मचारी कपात थांबायचे नाव घेत नाही आहे. नुकताच गूगलची मूळ कंपनी असलेल्या अल्फाबेट कंपनीने 12000 हजार कर्मचाऱ्यांना नोकरीवरून काढण्याचा निर्णय घेतला होता. अशातच आता मेडिकल टेक निर्माता कंपनी फिलिप्सने सोमवारी जगभरातील 6000 नोकऱ्या कमी करण्याची घोषणा केली आहे. (Philips Cuts 6000 Jobs After Sleep Device Recall Losses Deepen)
मिळालेल्या माहितीनुसार, स्लीप डिव्हाइस रिकॉलमुळे झालेल्या ताज्या नुकसानीमुळे कंपनीने हा निर्णय घेतला आहे. फिलिप्सचे सीईओ रॉय जॅकब्स यांनी एका निवेदनात 2025 पर्यंत कर्मचाऱ्यांची सध्या आणखी कमी करण्याची योजना जाहीर केली आहे. एएफपी वृत्तसंस्थेच्या रिपोर्टमध्ये ही माहिती समोर आली आहे.
याआधी म्हणजेच तीन महिन्यांपूर्वीही कंपनीने 4 हजार नोकऱ्या कमी करण्याची घोषणा केली होती. यादरम्यान फिलिप्सचे सीईओ रॉय जेकब्स यांनी एका निवेदनात सांगितले की, उत्पादकता वाढवण्याच्या योजनेचा एक भाग म्हणून आम्ही जागतिक स्तरावर आमचे सुमारे 4000 कर्मचारी कमी करण्याचा निर्णय घेतला आहे.
गूगलचे सीईओ सुंदर पिचाई आगामी काळात घेणार मोठा निर्णय
हेही वाचा – 12000 कर्मचाऱ्यांच्या कपातीनंतर गूगल ‘हा’ मोठा निर्णय घेण्याच्या तयारीत; वाचा सविस्तर
