उत्तराखंड विधानसभा निवडणुकीसाठी (Uttarakhand Assembly Election 2022) काँग्रेसने आपला जाहीरनामा प्रसिद्ध केला आहे. यावेळी काँग्रेसने चार धाम चार काम अंतर्गत निवडणूकीचा जाहीरनामा तयार केला आहे. काँग्रेसच्या या जाहीरनाम्यात 5 लाख कुटुंबांना दरवर्षी 40 हजार रुपये देण्याची मोठी घोषणा करण्यात आली आहे. यासोबतच 4 लाख तरुणांना रोजगार देण्याचे आश्वासनही पक्षाने दिले आहे.
काँग्रेसने जाहीरनाम्यात प्रत्येक गावात आणि घरोघरी आरोग्य सुविधा देण्याचेही सांगितले आहे. उत्तराखंड निवडणुकीसाठी काँग्रेसने आपल्या जाहीरनाम्यात राज्यात गॅस सिलिंडरची किंमत 500 रुपयांपेक्षा जास्त होणार नसल्याचेही म्हटले आहे.
काँग्रेस प्रदेश के लोगों को स्वावलंबी बनाने के लिए प्रतिबद्ध है। कांग्रेस 5 लाख परिवारों को सालाना ₹40,000 देगी।#हाथ_से_जुड़ें_कांग्रेस_चुनें pic.twitter.com/9jzTjo6T4K
— Uttarakhand Congress (@INCUttarakhand) February 8, 2022
काँग्रेसच्या जाहीरनाम्यातील घोषणा
१) कोरोनामुळे ज्यांच्या नोकऱ्या गेल्या आहेत अशा 5 लाख लोकांना वर्षाला 40 हजार रुपये देणार.
२) पर्यटनाला चालना मिळेल. पर्यटन पोलीस स्वतंत्र दलाची स्थापना करण्यात येणार आहे.
३) 40 टक्के सरकारी नोकऱ्यांमध्ये महिलांना प्राधान्य दिले जाईल.
४) पोलीस विभागातही 40 टक्के पदे महिलांना दिली जाणार आहेत.
५) आशा वर्कर्सच्या मानधनात दीडपट वाढ होणार आहे.
६) कोरोनामुळे दुर्बल झालेल्या कुटुंबांना वर्षाला 40,000 रुपये दिले जाणार आहेत.
७) आरोग्य व्यवस्था बळकट करण्यासाठी ड्रोनच्या साहाय्याने डोंगराळ भागात औषधे पोहोचवली जातील.
८) सरकार स्थापनेच्या पहिल्या वर्षात 200 युनिटपर्यंत वीज मोफत दिली जाणार आहे. यानंतर टप्प्याटप्प्याने ही सूट वाढवण्यात येणार आहे.
९) पदव्युत्तर विद्यार्थ्यांना 5 लाख रुपयांची विद्यार्थी क्रेडिट कार्डे मिळतील.
देवभूमि उत्तराखंड की जनता को 200 यूनिट तक बिजली मुफ्त देंगे।
देवभूमि उत्तराखंड वासी तैयार हैं- अब कांग्रेस को चुनेंगे।#हाथ_से_जुड़ें_कांग्रेस_चुनें pic.twitter.com/k2twzjMHAq
— Congress (@INCIndia) February 8, 2022
१०) सरकारी नोकऱ्यांवरील बंदी तात्काळ हटवली जाईल.
११) सध्या 57 हजार रिक्त पदे आहेत जी पहिल्या वर्षी भरण्यात येणार आहेत.
१२) राज्यात लोकायुक्त यंत्रणा लागू करण्यात येणार आहे.
१३) अतिथी शिक्षकांच्या नियुक्तीमध्ये ब्लॉक कॅडर व्यवस्था लागू करण्यात येणार आहे.
१४) राज्यात योग्य शैक्षणिक पायाभूत सुविधा विकसित करण्यासाठी शैक्षणिक बजेटमध्ये वाढ करण्यात येणार आहे.
१५) शहीद जवानांच्या कुटुंबियांना देण्यात येणारी रक्कम दुप्पट करण्यात येणार आहे.
१६) प्रत्येक शहीद कुटुंबातील एका व्यक्तीला सरकारी नोकरी दिली जाईल.
१७) भूस्खलन हा उद्योग आणि व्यापार मानला जावा आणि अवैध खाणकाम थांबवावे.
१८) 3D मॉडेल्सवर काम केले जाईल जे उत्पादन प्रक्रिया आणि भागीदारावर आधारित असेल.
१९) उत्तराखंडमध्ये 21 प्रकारची पेन्शन लागू करण्यात येणार आहे.