फ्रान्सहून राफेल ताफ्याचे भारतात आगमन झाल्यानंतर या लढाऊ विमानासाठी कोणती लढाऊ पायलट उड्डाण करणार असल्याची चर्चा आहे. पंतप्रधान नरेंद्र मोदी यांच्या मतदार संघातली वाराणसीची सुपूत्री शिवांगी सिंग हिला राफेल उडवण्याचा मिळाला आहे. केवळ वाराणसीतच नाही, तर देशातही, हवाई दलाच्यावतीने लवकरच राफेलचे उड्डाण करणाऱ्या लेफ्टनंट शिवांगी सिंग दिसणार आहेत.
बनारसमध्ये वाढलेल्या आणि बीएचयूमधून एनसीसी केल्यावर शिवांगीला भारतीय हवाई दलाच्या राफेल स्क्वॉड्रॉनची पहिली महिला लढाऊ पायलट होण्याचा बहुमान मिळाला. महिला लढाऊ पायलटच्या दुसर्‍या तुकडीचा भाग म्हणून शिवांगी सिंग यांना सन २०१७ मध्ये भारतीय हवाई दलात नियुक्त करण्यात आले होते. वाराणसी जिल्ह्यातील मूळ रहिवासी असलेल्या फ्लाइट लेफ्टनंट शिवांगी सिंग सध्या प्रशिक्षण घेत आहे. लवकरच शिवांगी अंबाला येथे भारतीय हवाई दलाच्या 17 स्क्वॉड्रॉन गोल्डन अ‍ॅरोमध्ये सामील होतील. 2017 मध्ये भारतीय वायुसेनेत सामील झाल्यापासून शिवांगी सिंग मिग -21 बाइसन सारखी विमानाने उड्डाण करत आहेत. विंग कमांडर अभिनंदन वर्धमानसोबतहीती अंबाला येथेही राहिली आहे. भारतातील एक उत्तम सैनिक पायलट म्हणून आता तिची ओळख आहे.
शिवांगीचे वडील कुमारेश्वर सिंह म्हणाले की, आम्हाला आमची मुलगी वाराणसीसह देशाचे नाव उज्वल करेल हा अभिमान आहे. शिवांगीचे २०१३ ते २०१६ या काळात बीएचयूच्या एनसीसीमध्ये प्रशिक्षण झाले. तिने सनबीम भगवानपूर येथून बीएससी केले. शिवांगीची आई सीमा सिंग गृहिणी असून भाऊ मयंक हा बनारसमध्ये बारावीचा विद्यार्थी आहे. शिवांगीच्या वडिलांचा ट्रान्सपोर्टचा व्यवसाय आहे. सामान्य कुटुंबात राहिल्यानंतरही मुलीच्या स्वप्नांनी देशाच्या उंचीवर जाण्याने संपूर्ण कुटुंबात आनंदाचे वातावरण आहे. ‘आपली मुलगी राफेल उडवेल, याहून वडिलांसाठी काय मोठा आनंद असू शकतो असे शिवानीचे वडिल म्हणाले.
