यावेळी बोलताना हिनाने सांगितले की, सावळ्या रंगामुळे तिला काश्मिरी मुलीची भूमिका नाकारण्यात आली. सावळ्या रंगामुळे अनेकदा तिला नकाराचा सामना करावा लागला. तिला एका चित्रपटाची ऑफर आली होती. परंतु केवळ सावळ्या रंगामुळे तिला चित्रपटातील काश्मिरी मुलीची भूमिका मिळाली नाही, असंही ती या मुलाखतीत म्हणाली.
हिना खानने त्या चित्रपटाबद्दल सांगितले नाही पण तिने त्यावेळच्या आठवणी शेअर करत सांगितले की, सावळा रंग असल्याने ती एका काश्मिरी मुलीसारखी गोरी दिसत नव्हती त्यामुळे तिला एका प्रोजेक्टसाठी नकार देण्यात आला. तिला फार वाईट वाटले कारण जेव्हा भाषा कळते तेव्हा तुम्ही भूमिका अधिक चांगल्या प्रकारे साकारू शकतात. मात्र रंगामुळे तिला नाकारण्यात आले, मात्र आशा न सोडता तिने नेहमी प्रयत्न करत राहीन. असा निश्चय हिनाने केला.
नुकताच हिनाचा ‘मैं भी बर्बाद’ एक म्युझिक व्हिडीओ प्रदर्शित झाला. यात हिनासोबत अंगद बेदी झळकतेय. या म्युझिक व्हिडीओमधील तिच्या लूकचे विशेष कौतुक होत आहे. हिनाने विक्रम भट्ट यांच्या ‘हॅक’ या सस्पेन्स थ्रिलर चित्रपटातून बॉलिवूडमध्ये पदार्पण केले. या चित्रपटात हिना खान सोबत मोहित मल्होत्रा आणि रोहन शाह मुख्य भूमिकेत दिसले होते. आता लवकरच हिना तिच्या आगामी बॉलिवूड चित्रपटाची घोषणा करणार आहे.