बॉलिवूड अभिनेता शाहरुख खानचा ‘पठाण’हा चित्रपट येत्या वर्षात प्रदर्शित होणार आहे. हा चित्रपट महिन्याभरापासून चर्चेत आहेत. परंतु ‘पठाण’ हा चित्रपट मागील काही दिवसांपासून वादाच्या भोवऱ्यात अडकला आहे. चित्रपटातील ‘बेशरम रंग’या गाण्याबद्दल काही लोक सतत विरोध करत आहेत. शिवाय या गाण्यामध्ये दीपिकाने भगव्या रंगाची बिकनी घालून हिंदूंच्या भावना दुखावल्याचा आरोप अनेकांकडून करण्यात आला आहे. या चित्रपटामुळे सामान्य व्यक्तींपासून राजकीय व्यक्तींपर्यंत अनेकजण आपली प्रतिक्रिया मांडू लागले आहेत. अशातच गुरुवारी गुजरातमध्ये या चित्रपटाबाबत बजरंद दलाच्या कार्यकर्त्यांनी संताप व्यक्त केला आहे.
पूजा भट्टने दिली प्रतिक्रिया
Protest-An organised public demonstration of disapproval”(of some law,policy,idea,or state of affairs)
Riot-A disturbance of the peace created by an assemblage of people acting with a common purpose & in a violent/tumultuous manner to the terror of the public” https://t.co/QC3AY389gD— Pooja Bhatt (@PoojaB1972) January 5, 2023
दरम्यान, गुरुवारी झालेल्या प्रकरणावरुन पूजा भट्टने तो व्हिडीओ शेअर करत ट्वीट केलं आहे. यात पूजाने लिहिलंय की, “निषेध – नापसंतीचे एक संघटित सार्वजनिक प्रदर्शन(काही कायदा, धोरण, कल्पना किंवा परिस्थितीचे) दंगल – एक सामान्य उद्देशाने आणि हिंसक/अशांत पद्धतीने दहशतीसाठी लोकांच्या जमावाने निर्माण केलेल्या शांततेचा भंग”.
अहमदाबादमध्ये ‘पठाण’ला विरोध
#WATCH | Gujarat | Bajrang Dal workers protest against the promotion of Shah Rukh Khan’s movie ‘Pathaan’ at a mall in the Karnavati area of Ahmedabad (04.01)
(Video source: Bajrang Dal Gujarat’s Twitter handle) pic.twitter.com/NelX45R9h7
— ANI (@ANI) January 5, 2023
गुरुवारी गुजरातमधील अहमदाबाद येथे ‘पठाण’ चित्रपटाच्या प्रमोशनदरम्यान बजरंग दलाकडून तोडफोड करण्यात आली. अहमदाबाद येथील अल्फावन मॉलमध्ये असलेल्या मल्टीप्लेक्समध्ये ‘पठाण’ चित्रपटाचे पोस्टर लावण्यात आले होते. यावेळी बजरंग दलाच्या काही कार्यकर्त्यांनी मॉलमध्ये जाऊन तोडफोड करायला सुरुवात केली. यावेळी कार्यकर्त्यांनी ‘पठाण’ चित्रपटाचे पोस्टर देखील फाडले. शिवाय हा चित्रपट इथे प्रदर्शित करायचा नाही अशी धमकी देखील कार्यकर्त्यांनी दिली.
25 जानेवारी रोजी प्रदर्शित होणार चित्रपट
बॉलिवूड अभिनेता शाहरुख खान जवळपास 4 वर्षानंतर चित्रपटामध्ये झळकताना दिसणार आहे. शाहरुख खान सध्या त्याच्या आगामी चित्रपटांमुळे चर्चेत आहे. 2018 मधील ‘जीरो’ चित्रपटानंतर शाहरुख बॉलिवूडमध्ये पुन्हा धमाकेदार कमबॅक करत आहे. 25 जानेवारी 2023 मध्ये शाहरुखचा बहुचर्चित ‘पठाण’ चित्रपट प्रदर्शित होणार आहे. या चित्रपटाचे दिग्दर्शन सिद्धार्थ आनंद करत असून शाहरुख व्यक्तिरिक्त दीपिका पादुकोण आणि जॉन अब्राहम देखील मुख्य भूमिकेत दिसतील. जॉन अब्राहम चित्रपटात खलनायकाच्या भूमिकेत दिसेल. हा चित्रपट हिंदीव्यतिरिक्त, तमिळ आणि तेलुगू भाषेत देखील प्रदर्शित होणार आहे.
हेही वाचा :
