एसएस राजामौली यांच्या RRR चित्रपटाचा सध्या जगभरात डंका पाहायला मिळत आहे. नुकत्याच काही दिवसांपूर्वी या चित्रपटाने ‘गोल्डन ग्लोब पुरस्कार’ आणि ‘बेस्ट फॉरेन लँग्वेज’ पुरस्कार पटकावला. या आनंदाच्या बातमीने संपूर्ण चित्रपटाच्या टीमसोबतच भारतीय प्रेक्षक देखील आनंदी झाले. अशातच या चित्रपटाने आणखी एक पुरस्कार मिळवल्याची बातमी समोर येत आहे. या बातमीने भारतीयांचा आनंद दुप्पट झाला असून चित्रपटाच्या संपूर्ण टीमचं कौतुक केलं जात आहे. दरम्यान, अशातच चित्रपटाने आणखी एक तिसरा पुरस्कार पटकावल्याची घोषणा करण्यात आली आहे.
RRR ने पटकावला तिसरा पुरस्कार
The @SeattleCritics 2022 award for BEST ACTION CHOREOGRAPHY:
** RRR **#RRR | @RRRMovie (@netflix) | @SSRajamouli | @DVVMovies#SFCS #SFCSAwards2022 #BestActionChoreography pic.twitter.com/GoFf1AWnVf
— Seattle Film Critics (@seattlecritics) January 17, 2023
17 जानेवारी रोजी सिएटल फिल्म क्रिटिक्स असोसिएशनकडून 2022 च्या पुरस्कारांची घोषणा केली. यामध्ये एसएस राजामौलींच्या RRR चित्रपटाला ‘बेस्ट अॅक्शन कोरिओग्राफी’साठी सिएटल क्रिटिक ॲवॉर्ड देण्यात आला आहे. यासंदर्भात ट्वीट करुन माहिती देण्यात आली आहे.
‘नाटू नाटू’ गाण्याने मिळवला ‘गोल्डन ग्लोब पुरस्कार’
नुकत्याच काही दिवसांपूर्वी RRR चित्रपटातील ‘नाटू नाटू’ गाण्याने ‘गोल्डन ग्लोब पुरस्कार’ पुरस्कार पटकावला. ‘RRR’ चित्रपटातील ‘नाटू नाटू’ गाण्यासोबतच ‘अवतार: द वे ऑफ वॉटर’ मधील ‘नथिंग इज लॉस्ट’, ‘ब्लँक पँथर: वकंडा फॉरएवर’ मधील ‘लिफ्ट मी अप’, ‘टॉप गन: मेवरिक’ मधील ‘होल्ड माय हँड’ यांसारख्या विविध 83 ट्यून्यसमधील 15 गाण्यांचा नामांकन म्हणून समावेश करण्यात आला होता. त्यातून ‘नाटू नाटू’ या गाण्याची सर्वोत्कृष्ट ओरिजनल गाणं या प्रकारात निवड करण्यात आली आहे.
हेही वाचा :
