सध्याच्या धावपळीत स्वत:कडे लक्ष दायायला आपल्याला वेळ नसतो. मात्र, असे असले तरी देखील आपल्याला आपले आरोग्यही सांभाळणेही तेवढेच महत्त्वाचे असते. त्यामुळे उत्तम आरोग्यासाठी काही खास उपाय केल्यास तुमचे आरोग्य चांगले राहण्यास मदत होते.
आहार
दैनंदिन जेवणात स्निग्ध पदार्थ, खनिज या घटकतत्त्वांनी युक्त सकस आणि संतुलित ताजा आहार व्यक्तीला मिळाल्यास आरोग्य चांगले राहते. तुमचा आहार जेवढा चांगला तेवढे तुमचे आरोग्य उत्तम राहिल.
स्वच्छता
जेवण बनवताना स्वच्छतेला अधिक महत्त्व द्यावे. स्वच्छतेमुळे आरोग्याला पोषक स्थिती निर्माण होते. कारण अस्वच्छतेमधून मलेरिया, गॅस्ट्रो यासारखे हानिकारक रोग उद्भवतात. वैयक्तिक आणि सार्वजनिक पातळीवर स्वच्छतेची विशेष काळजी घेतली पाहिजे.
मनोरंजन
मनोरंजनातून व्यक्तीला आनंद मिळतो. मानसिक स्वास्थ्य लाभते. सुखी जीवनासाठी नेहमी आनंदी राहणे महत्त्वाचे आहे. मानसिक आरोग्य चांगले राहण्यासाठी मनोरंजनाच्या गोष्टी करा.
व्यायाम
नियमित व्यायाम हा चांगल्या आरोग्याचा दुसरा मंत्र आहे. व्यायाम केल्याने आरोग्याचा दर्जा वाढतो. नियमित व्यायाम केल्याने तुमची रोगप्रतिकारशक्ती वाढते आणि तुमचे आरोग्यही उत्तम राहते.
विश्रांती
आरोग्यासोबत विश्रांती देखील तितकीच महत्त्वाची असते. आरोग्य आणि विश्रांती या दोघांचा सहसंबंध आहे. योग्य वेळी विश्रांती घेतल्याने तुम्ही उत्साही राहता. नियमित झोप ही तेवढीच महत्त्वाची आहे. शरीर जेव्हा थकते त्या वेळी योग्य विश्रांती घ्या.
