लहान मुलांपासून ते मोठ्यापर्यंत प्रत्येकाला शेंगदाणे हे आवडतातच. मग त्यात जर मसाला शेंगदाणे असतील तर अति उत्तम. चला तर पाहुया कसे बनवायचे मसाला शेंगदाणे.
साहित्य
- १ चमचा बेसन
- चिमूटभर हळद
- लाल तिखट
- गरम मसाला पावडर
- धणे पावडर
- हिंग
- सोडा (चिमूटभर)
- चाट मसाला
कृती
एका बाउलमध्ये शेंगदाणे घ्या त्यात शेंगदाणे बुडेल एवढे पाणी घाला. लगेच बाहेर काढून वरील साहित्यात शेंगदाणे घालून मिक्स करा. आता यात चवीनुसार मीठ आणि तेल (अंदाजाने १-२ चमचे) घालून सर्व मिक्स करा. वरुन किंचित पाणी घाला म्हणजे मसाला सर्व शेंगदाण्यांना व्यवस्थित लागेल. त्यानंतर मायक्रोसेफ प्लेटमध्ये काढून मायक्रो मोड वर ६-८ मिनिटे रोस्ट करून घ्या. (मायक्रोवेव नसेल तर तेलात डिप फ्राय करून घ्यावे.) नंतर शेंगदाणे बाहेर काढून थंड करा आणि डब्यात भरून ठेवा.
