सिंधुदुर्ग – भाजपा आमदार नितेश राणे हे खासदार विनायक राऊत यांच्या टीकेनंतर चांगलेच आक्रमक झाले आहेत. पत्रकारांनी केलेल्या प्रश्नावर उत्तर देताना राऊत यांचा एकेरी उल्लेख करत त्यांना पंतप्रधान नरेंद्र मोदी आणि केंद्रीय मंत्री नारायण राणे यांचे काय संबंध आहेत हे त्यांना काय माहीत? विनायक राऊत हे खासदार आहेत की केंद्रीय मंत्री नारायण राणे यांचे ऑफिसबॉय? असा प्रश्न करत मुख्यमंत्री एकनाथ शिंदेंना भेटायचा प्रयत्न करणाऱ्या विनायक राऊत यांनी आपले आणि पक्षाध्यक्षांचे संबंध चांगले राहतात काय याकडे लक्ष द्यावा असा सल्ला दिला आहे.
केंद्रीय मंत्री नारायण राणे यांच्या खासगी सचिवांनी अनेकांना गंडा घातल्याची माहिती समोर आली होती. त्यानंतर पंतप्रधान मोदी यांनी राणेंच्या पीएला दम दिला होता, असा दावा ठाकरे गटाचे खासदार विनायक राऊत यांनी केला. ते मंगळवारी कणकवली येथे आयोजित एका कार्यक्रमात बोलत होते. याप्रसंगी ठाकरे गटाचे आमदार वैभव नाईक, जिल्हा संपर्कप्रमुख अरुण दुधवडकर यांच्यासह शिवसेनेचे नेते उपस्थित होते. यावेळी विनायक राऊत यांनी नारायण राणे यांच्यावर सडकून टीका केली.
विनायक राऊत यांनी म्हटले की, नारायण राणे यांच्या सचिवानी अनेकांना गंडा घातला. ही बाब पंतप्रधान नरेंद्र मोदी यांच्या कानावर गेल्यानंतर त्यांनी राणे यांना दम भरला. आधी या सचिवाला काढून टाका अन्यथा तुमचे खाते काढून घेतले जाईल, असा थेट दम पंतप्रधान नरेंद्र मोदी यांनी राणेंना दिल्याचा दावा विनायक राऊत यांनी केला.
काय म्हणाले आमदार नितेश राणे
आतापर्यंत आम्हाला माहीत होतं की विनायक राऊत हे रत्नागिरी सिंधुदुर्ग जिल्ह्याचे खासदार आहेत, आम्हाला माहित नव्हतं की ते केंद्रीय मंत्री नारायण राणे यांच्या ऑफिसमध्ये चहा पण पाजायला असतात. ‘म्हणजे तो खासदार आहे कि ऑफिसबॉय आहे आमचा? त्याला काय माहित भाजपमध्ये काय चाललंय? त्याला काय माहित राणे आणि मोदी यांच्यामध्ये काय संबंध आहेत. असा एकेरी उल्लेख करत प्रश्न विचारून त्यांनी आपल्या पक्ष प्रमुखांबरोबर आपले पहिले संबंध संभाळावेत. कारण विनायक राऊत हे एकनाथ शिंदेंना भेटायला कसा प्रयत्न करताहेत हे जर मी कधी बोललो तर त्यांचे उरले सुरले पण कपडे राहणार नाहीत. म्हणून उगाच त्यांनी मोदी, नारायण राणे ही मोठी मोठी नवे त्यांनी घेऊ नयेत असा सल्लाही त्यांनी यावेळी दिला.
