Maharashtra corona update: कोरोनाबाधितांची मृत्यू संख्या चिंताजनक, राज्यात गेल्या २४ तासात २८ हजार ४३८ नव्या कोरोनाबाधितांची नोंद

राज्यात कोरोनाच्या दुसऱ्या लाटेने धुमाकूळ घातला होता. कोरोनाच्या दुसऱ्या लाटेतील प्रादुर्भाव जलद होत असल्यामुळे राज्यातील रुग्णसंख्या प्रचंड वाढली होती. वाढती रुग्णसंख्या चिंताजनक असल्यामुळे राज्य सरकारने लॉकडाऊन केला आहे. राज्य सरकारने केलेल्या लॉकडाऊनमुळे आता रुग्णांची संख्या कमी झाली आहे. परंतु कोरोनामुळे मृत्यू होणाऱ्या रुग्णांची संख्या मात्र कमी होताना दिसत नाही आहे. गेल्या २४ तासात राज्यात २८ हजार ४३८ कोरोना रुग्णांची नोंद झाली आहे. तर ६७९ कोरोनाबाधित रुग्णांचा मृत्यू झाला आहे. मृतांच्या संख्येत दिवसेंदिवस चढउतार होताना दिसत असल्यामुळे चिंता व्यक्त होत आहे.

राज्यात गेल्या २४ तासात २८ हजार ४३८ कोरोनाबाधितांची नोंद झाली आहे. आज ५२,८९८ रुग्ण बरे होऊन घरी परतले आहेत. राज्यात आजपर्यंत एकूण ४९,२७,४८० करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण (Recovery Rate) ९०.६९% एवढे झाले आहे. राज्यात आज ६७९ करोना बाधित रुग्णांच्या मृत्यूंची नोंद .सध्या राज्यातील मृत्यूदर १.५४% एवढा आहे. राज्यात आज रोजी एकूण ४ लाख १९ हजार ७२७ कोरोनाबाधित रुग्णांवर उपचार सुरु आहेत.

राज्यात आजपर्यंत तपासण्यात आलेल्या ३ कोटी १५लाख ८८ हजार ७१७ प्रयोगशाळा नमुन्यांपैकी ५४ लाख ३३ हजार ५०६ (१७.२ टक्के) नमुने पॉझिटिव्ह आले आहेत. सध्या राज्यात ३०,९७,१६१ व्यक्ती होमक्वारंटाईनमध्ये आहेत तर २५,००४ व्यक्ती संस्थात्मक क्वारंटाईनमध्ये आहेत. आज राज्यात २८,४३८ नवीन रुग्णांची नोंद झाली. आता राज्यातील करोना बाधित रुग्णांची एकूण संख्या ५४,३३,५०६ झाली आहे. नोंद झालेल्या एकूण ६७९ मृत्यूंपैकी ४२२ मृत्यू हे मागील ४८ तासातील तर २५७ मृत्यू हे मागील आठवडयातील आहेत. एक आठवडयापेक्षा अधिक कालावधीपूर्वी झालेले विविध जिल्हे आणि मनपा क्षेत्रातील मृत्यू कोविड पोर्टलवर आज अद्ययावत झाल्याने त्यांचा समावेश आज राज्याच्या एकूण मृत्यूमध्ये करण्यात आला आहे. यामुळे राज्यातील एकूण मृत्यूची संख्या ६१२ ने वाढली आहे.

राज्यातील जिल्हानिहाय ऍक्टिव्ह रुग्णांचा तपशील खालील प्रमाणे आहे –